Corat kənd cümə məscidi - Məscid Sumqayıtın Corat qəsəbəsində yerləşib. H.q. təqvimi ilə 409-cu ildə (XI əsr) inşa edilib. Sahəsi 16x5 metrdir. Məscidin divarları sal daşlardan tikilib. ibadət zalı 4 tağdan ibarətdir. Tağlar günbəzdə bir-birinə birləşib. Günbəzin diametri 5 metrdir. Günbəzdə 4 düzbucaqlı pəncərə qoyulub. Məscid sadə konstruksiyaya malikdir. 1937-76-cı illərdə anbar kimi istifadə olunub. Məscidin yerləşdiyi ərazi vaxtilə qəbristanlıq olub. Hal-hazırda isə burada evlər inşa olunub.
Azərbaycan Respublikası məscidlərinin ensiklopediyası