Ulu öndərin adını daşıyan bu park 2002-ci ildə 6 hektar ərazidə əhalinin istirahəti məqsədilə salınmışdır. Samux şəhərinin mərkəzində əsas yolun kənarında yerləşən bu istirahət parkı sanki müasirliklə təbiətin uyumunu özündə birləşdirir.

İnsanların asudə vaxtlarını əyləncəli və səmərəli keçirməsi üçün əvəzsiz olan bu park öz sakitliyi, havasının təmizliyi, xüsusən səhər və axşam gəzintiləri üçün olduqca əlverişlidir.

Parkda insanların dincəlməsi üçün bütün lazımi infrastruktur təşkil edilmişdir. Burada fəvvarələr, uşaqların dincəlməsi üçün müxtəlif uşaq əyləncə qurğuları, kafe və s. fəaliyyət göstərir. Həmçinin bu günün bütün müasir tələblərinə cavab verən Samux rayon Heydər Əliyev Mərkəzi yerləşir.