Koroğlu heykəliBakının heykəllərlə zəngin bir bölgəsi də Gənclik metro stansiyasının ətrafı və ona yaxın olan ərazilərdir. Bunlardan biri Koroğlu heykəlidir. 2011-ci ildə açılışı olan heykəlin müəllifi Tokay Məmmədovdur. Abidənin postamentlə birlikdə hündürlüyü 23 metrdir.Postament hər biri 20-35 ton olan qranit hissələrdən ibarətdir. Ümumilikdə postamentin inşasına 480 ton qranit sərf olunub. Tamamilə bürüncdən tökülmüş abidə Ukraynada hazırlanıb.