Şah İsmayıl Xətai heykəliŞah İsmayıl Şeyx Heydər oğlu Səfəvi (1494 — 1524) Səfəvilər dövlətinin banisi və klassik Azərbaycan şairidir. Bədii əsərlərini "Xətai" və ya "Xətayi" təxəllüsü ilə yazmışdır. Bununla əlaqədar Şah İsmayıl Xətai olaraq da tanınır. Azərbaycan türkcəsi tarixdə ilk dəfə dövlət dili kimi Şah İsmayıl zamanında istifadə olunmuşdur. Hakimiyyəti dönəmində Azərbaycan, İran, Şərqi Anadolu, İraqi-Əcəmi vahid dövlətdə birləşdirmişdir. Qüdrətli hökmdar, istedadlı şair Şah İsmayıl Xətainin xatirəsini əbədiləşdirmək üçün 1993-cü ildə Bakıda onun heykəli ucaldılmışdır. Heykəlin müəllifi İbrahim Zeynalovdur. Heykəl yüksək bədii – estetik dəyəri, plastik forma rəngarəngliyi və milli koloriti ilə seçilir. 2007-ci ilə Şah İsmayıl Xətai heykəlinin postamenti yenidən qurulmuş, abidə isə yenidən bərpa edilmişdir.