Məscid Bakının Balaxanı kəndindədir. Əsas ibadət zalının sahəsi 16x11 metr, qadınlar şöbəsinin sahəsi 11x9 metrdir. Həyətyanı sahəsi yaşıllıqlara qərq olub. Məscid binası və həyətində yüksək səliqə-səhman yaradılıb. Həyət daş plitələrlə Balaxanı kənd Cümə məscidinin ilkin variantında minarə olmamışdır. Hazırkı minarə yonulmuş sal daşlardan tikilib və 1995-1996-cı illərdə ucaldılıb. Məscidin qadınlar və kişilər şöbəsinin arakəsməsi taxta şəbəkə ilə işlənib. Mehrab nəbati ornamentlərlə bəzənib və üzərində səkkizguşəli ulduzlar işlənib. Minbər 1994-cü ildə düzəldilib və taxtadandır.Əsas ibadət zalının divarlarında "Fatihə" və "Bəqərə" surələrindən ayələr yazılıb. Məscidin içərisində qorunub saxlanan daş kitabədə 1290-cı il (XIX əsrin 70-ci illəri) tarixi həkk olunub. Bu məscid 1937-1989-cu illərdə mədəniyyət evi kimi fəaliyyət göstərib. 1989-cu ildən etibarən fəaliyyəti bərpa olunub.