Facebook Pixel Code
GoMap XƏRITƏ
Əbülfəzl Abbas məscidi
Baxış sayı:

Məscid Ağstafa rayonunun Yuxarı Göyçəli kəndindədir. 1994-cü ildə inşa olunub. Həyətyanı sahəsi 600 kv. metr, ibadət zalının sahəsi isə 8x8 metrdir.

Yuxarı Göyçəli kənd Əbülfəzl Abbas məscidi formaca dördbucaqlı olub, mişar daşı və çaylaq daşı ilə tikilmişdir. Giriş qapısının ön tərəfində baş tağ yerləşmişdir. Məscidin iç divarları qum-sement məhlulu ilə suvanmış və rənglənmişdir. Minarənin hündürlüyü 16 metrdir. Qadınlar üçün nəzərdə tutulmuş ibadət zalı ikinci mərtəbədədir. Onun sahəsi 4x8 metrdir. Məscidin divarlarının qalınlığı 0,70 metrdir. Minbər taxtadandır və altıpilləlidir. Mehrabın hündürlüyü 4 metrdir və üstündə "Fatihə" surəsi yazılmışdır. Günbəzin diametri 6 metr, döşəmədən tavana qədər hündürlüyü 5 metrdir. Döşəmə torpaqdır. Günbəzin dəyirmi hissəsi Quran ayələrilə işlənmişdir. Minarənin yuxarı hissəsi və günbəzin fasad tərəfi ağ dəmirlə işlənmişdir. Minarə və günbəzin üstündə aypara rəmzi qoyulmuşdur.

Yuxarı Göyçəli kənd Əbülfəzl Abbas məscidi Əbülfəzl Məşədi Hənifənin təşəbbüsü ilə tikilmişdir.

Azərbaycan Respublikası məscidlərinin ensiklopediyası

  • Ünvan:
    Nəriman Nərimanov, Göyçay, AZ2300
  • Telefon:
    (+994 50) 314-64-97 (Kazımov Rəsul Cavad)
Avtobus
Son xəbərlər