Məscid Bakının Kürdəxanı kəndində yerləşir. İnşa tarixi XIV əsrə aiddir. İç sahəsi 129 m2 - dir. Aşağı məscidin divarları yonulmuş sal daşlardan hörülüb. Günbəz mişar daşı ilə işlənib. Günbəzin diametri 4,5 metrdir. Məscidin yerdən tavanadək hündürlüyü 3,5 metr, günbəzədək isə 7 metrdir. Günbəz dörd tağın üzərində dayanıb. Məscidin kişi və qadın şöbələri arasındakı şəbəkə arakəsmə sonradan düzəldilib. Minbər taxtadandır və şəbəkələrlə işlənib. XIV əsrin mədəniyyət abidəsi hesab olunan bu məscid orijinal memarlıq xüsusiyyətlərinə malik olub, Bakı kəndlərindəki bu dövrə aid digər məscidləri xatırladır.