Məscid Maştağa kəndinin Xunxar məhəlləsində yerləşir. XIX əsrdə inşa olunub. İç sahəsi 4x9 metrdir. Hacı Əziz məscidinin divarları yonulmuş sal daşlardan tikilib. Divarlar içəri tərəfdən suvanıb və ağardılıb. Məscidin əsas giriş qapısı dəmirdəndir. Ondan sonra dəhliz yerləşib. Onun sahəsi 2x2,5 metrdir. Döşəməsi torpaqdır. Mehrabın hündürlüyü 2,50 metrdir və üstündə iki daş kitabə həkk olunub. Kitabələrdən birində hicri-qəməri təqvimi ilə 1329-cu il (XIX əsr) göstərilib. Əsas ibadət zalının iki pəncərəsi və iki taxçası var. Məscidin damı qırla örtülüb. Məscidin giriş qapısının üstündəki sərlövhədə "Hacı Əziz məscidi. XIX əsr. Bu mədəniyyət abidəsi dövlət tərəfindən qorunur." sözləri yazılıb. Məscid binası Sovetlər dövründə sex kimi fəaliyyət göstərmişdir.