Facebook Pixel Code
GoMap XƏRITƏ
Cəfər Cabbarlının ev-muzeyi
Baxış sayı:
Avtobus

C. Cabbarlının vaxtilə Bakının Yuxarı Dağlıq məhəlləsində yaşayıb-yaratdığı ev indi muzey kimi fəaliyyət göstərir. Muzey ədibin 80 illik yubileyi münasibəti ilə 1982-ci il martın 20-də açılıb. Muzeyin ümumi sahəsi 200 kv.m-dir və 7 otaqdan ibarətdir. Mədəniyyət ocağında 8000-dən çox eksponat qorunub saxlanılır. Eksponatların sərgiləndiyi otaqlarda ədibin həyat və yaradıcılığını əks etdirən sənədlər və fotoşəkillər, sağlığında istifadə etdiyi özünə və ailəsinə məxsus şəxsi əşyaları, ayrı-ayrı dram əsərlərinə hazırlanmış səhnə maketləri nümayiş etdirilir. Həmçinin dramaturqa görkəmli şəxsiyyətlərin bağışladığı hədiyyələr, C. Cabbarlı irsini tədqiq edən maraqlı elmi əsərlər ekspozisiyanı zənginləşdirir. Muzey tərəfindən ədibin sözlərinə bəstələnmiş mahnılardan ibarət “Azad bir quşdum” diski buraxılıb. Eyni zamanda C. Cabbarlının 100 illik yubileyi ilə əlaqədar “Cabbarlı” mükafatı tərtib olunmuş və bir çox sənətçilərə təqdim edilmişdir.

C.Cabbarlı 1899-cu ildə Xızı kəndində anadan olmuşdur və həmin kənddə də 1969-cu ildən C.Cabbarlı muzeyi fəaliyyətdədir. Mədəniyyət Nazirliyi sistemindədir. Hər iki muzeydə C.Cabbarlının həyat və yaradıcılığını əks etdirən müxtəlif eksponatlar, foto-şəkillər, ədibin pyeslərinin tamaşaları üçün hazırlanmış maketlər saxlanılır.

http://cabbarli.az/az/index.php?newsid=4

http://www.azmaison.fr/az/index_az.shtml?id=53;c=2

http://general.azeriblog.com/2008/01/19/cefer-cabbarlinin-ev-muzeyi

Son xəbərlər