Suraxanı rayon MKS-nin 5 saylı filialı Səttar Bəhlulzadə adına Mədəniyyət Sarayı ilə birgə Suraxanı rayonu, Park küçəsi 24 ünvanında yerləşir. 1932-ci ildən Oktyabr İnqilabı adına Uşaq Kitabxanası kimi fəaliyyətə başlamışdır. 1995-ci ildən kitabxanaya xalq şairi Osman Sarıvəllinin adı verilib.

2011-ci ildən etibarən isə Suraxanı rayon Mərkəzləşdirilmiş Kitabxana Sisteminin 5 saylı filialı olaraq işini davam etdirir. Uşaq kitabxanası olduğu üçün əsasən məktəb yaşlı oxuculara xidmət göstərir. Suraxanı rayonu ərazisində yerləşən 87, 114, 97, 226, 154, 84 saylı orta məktəblərin şagirdləri kitabxanadan istifadə edirlər.

Kitabxanada səyyar kitab xidməti fəaliyyət göstərir. Əməkdaşlar kitabxanaya gəlməyə çətinlik çəkən təqaüdçülərin evlərinə kitab aparır, 324, 23 saylı uşaq bağçalarına, Vüqar Bayramov adına Körpələr evinə xidmət göstərirlər. Kitabxananın 64266 nüsxə kitab fondu il ərzində 5426 oxucunun xidmətindədir.