Azərbaycan Respublikası Meliorasiya və Su Təsərrüfatı Açıq Səhmdar CəmiyyətiAzərbaycan Meliorasiya və Su Təsərrüfatı Açıq Səhmdar Cəmiyyəti “Meliorasiya və su təsərrüfatı sahəsində idarəetmənin təkmilləşdirilməsi tədbirləri haqqında” Azərbaycan Respublikası Prezidentinin 2006 - cı il 23 fevral tarixli, 372 nömrəli Fərmanı ilə yaradılmışdır. Azərbaycan Respublikası Nazirlər Kabinetinin 2006 - cı il 17 iyun tarixli 149 nömrəli qərarı ilə Azərbaycan Meliorasiya və Su Təsərrüfatı Açıq Səhmdar Cəmiyyətinin Nizamnaməsi və strukturu təsdiq edilmişdir.Azərbaycan Meliorasiya və Su Təsərrüfatı Açıq Səhmdar Cəmiyyəti Nizamnaməsinə uyğun olaraq respublikada meliorasiya və su təsərrüfatı sahəsində dövlət xidmətləri göstərmək, torpaqların su təminatını həyata keçirmək, dövlət mülkiyyətində olan meliorasiya və irriqasiya sistemlərinin istismarını təşkil etmək və bu sahəni inkişaf etdirmək istiqamətində fəaliyyət göstərir. Azərbaycan Meliorasiya və Su Təsərrüfatı Açıq Səhmdar Cəmiyyətinin hal-hazırda rəhbəri Əhməd Əhmədzadədir.