Böyük Camışlı - İrəvan quberniyasının Aleksandropol qəzasında, keçmiş Araqats (Ala­göz) rayonunda, indi Araqatsotn vilayətində kənd. Vilayət mərkəzi Aştarak (Əştərək) şəhərin­dən 44 km şimal-qərbdə, Abaran çayının sahi­lində, dəniz səviyyəsindən 2050 m hündürlükdə yerləşir. 1972-ci ilə kimi keçmiş Abaran rayonu­nun tərkibində olmuş, 15 mart 1972-ci ildə Ara­qats (Alagöz) rayonu yaradıldıqdan sonra onun tərkibinə daxil edilmişdir. Qafqazın 5 verstlik xə­ritəsində qeyd edilmişdir (348, s. 80). Kənddə əvvəllər azərbaycanlılar yaşamışlar. 1877-1878-ci illər rus-türk müharibəsindən sonra Türkiyədən köçürülüb gətirilən yezidi kürdlər kənddə məs­kunlaşmışdır. Bundan sonra azərbaycanlılar kəndi tədricən tərk etmişlər. Toponim Azərbaycan to­ponimiyasında fərqləndirici əlamət bildirən "bö­yük" sözü ilə "camışlı" türk tayfa adı (142, s. 29) əsasında əmələ gəlmişdir. Erm. SSR AS RH-nin 4 yanvar 1938-ci il tarixli qərarı ilə adı dəyişdi­rilərək "Alaqyaz" qoyulmuşdur. "Ermənistan Res­publikasının inzibati-ərazi bölgüsü haqqında" 7 noyabr 1995-ci il tarixli yeni qanuna əsasən, Araqatsotn vilayətinin inzibati ərazisinə daxil edilmişdir (416, s. 9).

Coğrafi koordinatları: 40°40' şm. e., 44°17' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/