Korbulaq - İrəvan quberniyasının Aleksand­ropol qəzasında, keçmiş Qızılqoç (Qukasyan) rayonunda, indi Şirak vilayətində kənd. Vilayət mərkəzi Gümrü şəhərindən 44 km şimalda, də­niz səviyyəsindən 2075 m hündürlükdə yerləşir. Ədirnə müqaviləsinə (1829) əsasən, ermənilər kəndə köçürülüb məskunlaşdırılandan sonra azərbaycanlılar Türkiyəyə köç etmişdir. Ermə­ni müəlliflərinin əsərlərində kəndin adı "Korağ-byur" (Korbulaq) formasında işlənmişdir (415, s. 20). Toponim Azərbaycan dilində "çıxış yolu olmayan", "gözü olmayan (bulaq), yarıda quru­yan" mənasında işlənən "kor" sözü ilə "bulaq" sözünün birləşməsindən əmələ gəlmişdir. Kən­din adı ərazidəki eyniadlı bulağın adından gö­türülmüşdür. Hidrotoponimdir. Erm. SSR AS RH- nin 12 noyabr 1946-cı il tarixli qərarı ilə kəndin adı dəyişdirilərək "Saxkaşen", 21 oktyabr 1967-ci il tarixli qərarı ilə yenidən dəyişdirilərək "Sizavet" qoyulmuşdur. "Ermənistan Respublikasının inzi­bati-ərazi bölgüsü haqqında" 7 noyabr 1995-ci il tarixli yeni Qanuna əsasən, Şirak vilayətinin inzi­bati ərazisinə daxil edilmişdir (416, s. 180).

Coğrafi koordinatları: 4Г06' şm. e., 43°50' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/