Ərqov - İrəvan quberniyasının Eçmiədzin qəzasında, keçmiş Əştərək rayonunda, indi Ara­qatsotn vilayətində kənd. Vilayət mərkəzi Aştarak (Əştərək) şəhərindən 11 km şimal-qərbdə, Qalasız çayının sahilində, dəniz səviyyəsindən 1630 m hündürlükdə yerləşir. "İrəvan əyalətinin icmal dəftəri"ndə "Ərqov" kimi (143, s. 89), Qaf­qazın 5 verstlik xəritəsində "Erqov" formasında (348, s. 302) qeyd edilmişdir. Erməni ədəbiyya­tında kəndin 1831-ci İldə salındığı göstərilir (416, s. 210). Əslində, bu, tarixi həqiqəti saxta­laşdırmaqdır. Çünki 1728-ci İl tarixdə tərtib edil­miş "İrəvan əyalətinin icmal dəftəri"ndə Karpi nahiyəsinin tərkibində Əhmədin adına olan ti- mara aid "Ərqov kəndi" əksini tapmışdır. Kəndin İllik gəlirinin 4500 ağça olduğu göstərilir (143, s. 89). Burada 1831-ci ildə 54, 1873-cü ildə 237, 1886-cı ildə 337, 1897-ci ildə 380, 1908-ci ildə 280, 1914-cü ildə 721, 1916-cı ildə 646, (415, s. 22-23, 108-109), 1918-ci ildə 280, 1919-cu İldə 218 nəfər yalnız (309, s. 221) azərbaycanlı yaşamışdır. 1919-cu ildə azərbaycanlılar erməni silahlı birləşmələrinin təcavüzünə məruz qalaraq kənddən qovulmuşlar (309, s. 221). 1919-1920-ci illərdə buraya Türkiyədən ermənilər köçürül­müşdür. Sağ qalan azərbaycanlılar indiki Ermə­nistan ərazisində sovet hakimiyyəti qurulandan sonra ata-baba torpaqlarına dönə bilmişlər. Bu­rada ermənilərlə yanaşı, 1922-ci ildə 58, 1926-cı ildə 25 nəfər azərbaycanlı yaşamışdır (415, s. 22- 23,108-109). 1929-1930-cu illərdə azərbaycan­lılar tamamilə deportasiya olunmuşlar. Hazırda kənddə yalnız ermənilər yaşayır. Toponim türk dilində "igid, qoçaq" mənasında işlənən "ər" (or) sözü ilə qıpçaqlara məxsus "qov" (kov) etnonimi­nin birləşməsindən (287, s. 55, 108) əmələ gəlib, "igid, qoçaq, qov tayfasına məxsus kənd" məna­sını ifadə edir. Hazırda erməni dilində rəs­mi sənədlərdə yaşayış məntəqəsinin adı "Orqov" kimi yazılır. "Ermənistan Respublikasının inziba- ti-ərazi bölgüsü haqqında" 7 noyabr 1995-ci il tarixli yeni Qanuna əsasən, Araqatsotn vilayətinin İnzibati ərazisinə daxil edilmişdir (416, s. 210).

Coğrafi koordinatları: 40°20’ şm. e., 44°15' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/