Çiydəmli (Çigdamal) - İrəvan quberniyası­nın İrəvan qəzasında, keçmiş Qəmərli (Artaşat) rayonunda, indi Ararat vilayətində kənd. Vilayət mərkəzi Artaşat (Qəmərli) şəhərindən 3 km şimal-qərbdə, dəniz səviyyəsindən 830 m hün­dürlükdə yerləşir. Kəndin başqa adı "Cilçay"dır (143, s. 99). Erməni müəlliflərinin əsərlərində kəndin adı "Çidəmli (415, s. 50), Cidamlı, Cif- damlı" (427, s. 41) formalarında da göstərilir. "İrəvan əyalətinin icmal dəftəri"ndə "Ciğdəmli" (143, s. 99), Qafqazın 5 verstlik xəritəsində "Ciğ- damlı" formasında (348, s. 284) qeyd edilmişdir. Kənddə 1828-ci ilə kimi yalnız azərbaycanlılar yaşamışdır. Ermənilər buraya 1828-1829-cu il­lərdə İranın Səlmas vilayətindən köçürülmüşdür (427, s. 41). Ermənilərlə yanaşı, kənddə 1831-ci ildə 166, 1873-cü ildə 155, 1886-cı ildə 161, 1897-ci ildə 135 nəfər azərbaycanlı yaşamışdır (415, s. 50-51, 130-131). 1918-ci ildə azərbay­canlılar erməni silahlı birləşmələrinin soyqırı­mına məruz qalaraq deportasiya olunmuşdur. Hazırda orada ermənilər yaşayır. Toponim qə­dim türk dilində "həsir toxunmasında istifadə olunan parlaq, gözəl çay bitkisi" mənasında iş­lənən "cıq" sözü ilə (299, s. 147) mənsubluq bil­dirən "-h" şəkilçisinin qoşulduğu "ev, bina, tikili" mənasında işlənən "dam" sözünün (10, s. 26; 339, s. 170-171) birləşməsindən əmələ gəlmiş­dir. Erm. SSR AS RH-nin 20 avqust 1945-ci il ta­rixli qərarı ilə kəndin adı dəyişdirilərək "Azatavan" qoyulmuşdur. "Ermənistan Respublikasının inzibati-ərazi bölgüsü haqqında" 7 noyabr 1995-ci il tarixli yeni Qanuna əsasən, Ararat vilayətinin in­zibati ərazisinə daxil edilmişdir (416, s. 8).

Coğrafi koordinatları: 39°59' şm. e., 44°30' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/