Düzkənd - Qars vilayətinin Qars qəzasının Ağ baba nahiyəsində, keçmiş Amasiya rayo­nunda, indi Şirak vilayətində kənd. Vilayət mərkəzi Gümrü şəhərindən 44 km şimal-qərb­də, Arpaçayın sağ sahilində, dəniz səviyyəsindən 1980 m hündürlükdə yerləşir. "İrəvan əyalətinin icmal dəftəri"ndə (143, s. 132), Qafqazın 5 verst­lik xəritəsində (348, s. 90) qeyd edilmişdir. Ama­siya rayonunda tarixən Düzkənd adında iki kənd olmuşdur: Böyük Düzkənd, Kiçik Düzkənd (415, s. 20). XIX əsrin əvəllərində Böyük Düzkənd və Kiçik Düzkənd kəndləri birləşdirilərək Düzkənd kəndi kimi rəsmiləşdirilmişdir. Kəndin köklü sa­kinləri azərbaycanlılar olmuşdur. Erməni müəllif­lərinin əsərlərində kənddə qa ra papaqların yaşa­dığı göstərilir (415, s. 20). Burada 1886-cı ildə 348, 1897-ci ildə 520, 1908-ci ildə 636, 1914-cü ildə 722 nəfər azərbaycanlı yaşamışdır (415, s. 20-21,104-105). 1918-ci ilin mayında türk or­dusunun önündən geri çəkilən Andranİkİn qo­şunu Düzkənddə kütləvi qırğın törətmiş, sağ qa­lan əhalinin bir hissəsi Qars vilayətinə qaçmışdır. Kənd 1918-1919-cu illərdə Qarsda qurulan Cə­nub-Qərbi Qafqaz Cümhuriyyətinin tərkibində olmuşdur. 1920-ci ilin fevralında erməni silahlı dəstələrinin hücumu nəticəsində kənd dağıdıl­mış, əhalisinin bir qismi Qars vilayətinə, bir qismi də İranın Gümrüdəki konsulluğu vasitəsilə Urmiya və Səlmas əyalətlərinə köç etmişdir. 1921-ci il Qars müqaviləsindən sonra kəndin əhalisinin bir qismi kəndə qayıtmışdır. İndiki Er­mənistan ərazisində sovet hakimiyyəti qurulan­dan sonra, 1921-ci il Qars müqaviləsinə əsasən, kənd Ağbaba nahiyəsinin tərkibində Aleksand- ropol qəzasına daxil edilmişdir. Burada 1922-ci ildə 359, 1926-cı ildə 402,1931-ci ildə 468 (415, s. 20-21, 104-105), 1959-cu ildə 366, 1970-ci ildə 528, 1979-cu ildə 630 (416, s. 10), 1987-ci ildə 580 nəfər (35, s. 168) yalnız azərbaycanlı yaşamışdır. 1988-cİ ilin noyabr-dekabr, 1989-cu ilin yanvar aylarında azərbaycanlılar Ermənistan dövləti tərəfindən tarixi-etnik torpaqlarından deportasiya olunmuşdur. Hazırda kənddə ermə­nilər yaşayır. Toponim Azərbaycan dilində "düzən, çöl, düzənlik", "enişi, yoxuşu, çuxuru ol­mayan yer" mənasında işlənən "düz" sözü ilə (253, s. 70; 278, s. 68; 10, s. 168; 339, s. 195) qə­dim türk dilində "yaşayış yeri, şəhər" mənasında işlənən "kənd" sözünün (359, II (2), s. 1079- 1080; 299, s. 290; 339, s. 270-271) birləşməsin­dən əmələ gəlmişdir. Erm. SSR AS RH-nin 3 ap­rel 1991-ci il tarixli qərarı ilə kəndin adı dəyişdirilərək "Alvar" qoyulmuşdur. "Ermənistan Respublikasının inzibati-ərazi bölgüsü haqqın­da" 7 noyabr 1995-ci il tarixli yeni Qanuna əsa­sən, Şirak vilayətinin inzibati ərazisinə daxil edil­mişdir (416, s. 10).

Coğrafi koordinatları: 4Г03' şm. e., 43’44’ ş. u

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/