Daşlı - İrəvan quberniyasının İrəvan qəza­sında, keçmiş Vedi (Ararat) rayonunda, indi Ara­rat vilayətində kənd. Vilayət mərkəzi Artaşat (Qəmərli) şəhərindən 19 km cənub-şərqdə, Vedi çayının yanında, dəniz səviyyəsindən 970 m hündürlükdə yerləşir. "İrəvan əyalətinin icmal dəftəri"ndə (143, s.100), Qafqazın 5 verstlik xə­ritəsində (348, s. 239) qeyd edilmişdir. "İrəvan əyalətinin İcmal dəftəri"ndə kəndin adı Gərni (Karni) və Vedi nahiyələrinə daxil olan yaşayış məntəqələrinin siyahısında əksini tapır (143, s. 98-100). Daşlı kəndində 1831-ci ildə 84, 1873-cü ildə 147, 1886-cı ildə 135, 1897-ci ildə 184, 1904-cü ildə 238, 1914-cü ildə 261, 1916-cı ildə 171 nəfər yalnız azərbaycanlı yaşamışdır (415, s. 84-85, 154-155). 1918-ci İldə erməni si­lahlı birləşmələri tərəfindən azərbaycanlılar qovul­muş və xaricdən ermənilər köçürülərək burada yerləşdirilmişdir. İndiki Ermənistan ərazisində so­vet hakimiyyəti qurulandan sonra kənddən qo­vulmuş azərbaycanlıların bir qismi öz doğma ocaqlarına dönə bilmişlər. Burada ermənilərlə ya­naşı, 1922-ci ildə 93,1926-cı ildə 95,1931-ci ildə 117 nəfər azərbaycanlı yaşamışdır (415, s. 85, 153). SSRİ Nazirlər Sovetinin Ermənistan ərazi­sindən azərbaycanlı əhalinin Azərbaycanın Kür- Araz ovalığına köçürülməsi haqqında 23 dekabr 1947-ci il tarixli qərarına əsasən, azərbaycanlılar tarixi-etnik torpaqlarından deportasiya edilərək Azərbaycana köçürülmüşdür. İndi orada yalnız ermənilər yaşayır. Toponim Azərbaycan dilində işlənən "daş" sözünə çoxluq mənası ifadə edən "-lı" şəkilçisinin qoşulması əsasında yaranıb. Erm. SSR AS RH-nin 3 iyul 1968-ci il tarixli qərarı ilə kəndin adı dəyişdirilərək "Daştakar" qoyulub. "Ermənistan Respublikasının İnzibati-ərazi böl­güsü haqqında" 7 noyabr 1995-cİ il tarixli yeni Qanuna əsasən, Ararat vilayətinin inzibati ərazi­sinə daxil edilmişdir (416, s. 65).

Coğrafi koordinatları: 39°55' şm. e., 44°45' ş. u.

DAŞLI (DAŞDI)

Vedibasar mahalının Cığındərə bölgəsində, Vedi çayının kənarında, Vedi rayonunun mərkəzi olan Böyük Vedi qəsəbəsindən 3 km şimal-şərq­də kənd.

Kənddə 1920-ci ilə qədər ancaq Azərbaycan türkləri yaşamışlar. 1922-1988-ci illərdə azərbaycanlılarla ermənilərin yanaşı yaşadığı qarışıq kənd olmuşdur. 1988-ci ildən sonra kənd bütünlüklə erməniləşdirilmişdir.

Kənddə 1832-ci ildə 16 təsərrüfatda 84 nəfər (43 kişi, 41 qadın), 1873-cü ildə 24 ailədə 147 nəfər (83 kişi, 64 qadın) Azərbaycan türkü ya­şamışdır.

Kənd əhalisinin sayı 1886-cı ildə 23 təsərrüfatda 135 nəfərə (80 kişi, 55 qadın), 1897-ci ildə 184 nəfərə, 1904-cü ildə 238 nəfərə, 1914-cü ildə 261 nəfərə çatıb.

1918-         1920-ci illərdə erməni-daşnak təcavüzünə məruz qalan kənd dağıdılmış, əhalisinin bir hissəsi ermənilərlə döyüşlərdə həlak olmuş, sağ qalanları qaçqın düşmüş, Arazın o tayına - Cənubi Azərbaycana mühaci­rət etmişlər.

Bölgədə Sovet hakimiyyəti qurulduqdan sonra kənd əhalisinin az bir hissəsi geri dönmüşdür. Bu vaxt kənddə İrandan, Türkiyədən gələn ermə­nilər də yerləşdirilmişdilər. 1922-ci ildə kənddə 93 nəfər azərbaycanlı, 78 nəfər erməni, 1926-cı ildə 95 nəfər azərbaycanlı, 60 nəfər erməni, 1931- ci ildə 117 nəfər azərbaycanlı, 78 nəfər erməni yaşamışdır.

1937-1948-ci illərdə Qarabağlar rayonunun tərkibində mövcud olan kəndin əksər azərbaycanlı əhalisi 1948-ci ildə məcburi şəkildə Azərbay­cana köçürülmüş, onların boşalmış hazır evlərində 1946-1947-ci illərdə xaricdən gətirilmə ermənilər yerləşdirilmişlər.

1968-ci il iyulun 3-də kəndin adı dəyişdirilərək Daştakar qoyul­muşdur. Əslində isə ermənilər kəndin Daşdı (Daşlı) adına daş (ermənicə kar) sözü əlavə edib, Daştakar kimi qondarma ad almışlar. Son illərə qə­dər kənd Böyük Vedi qəsəbə sovetliyinin tərkibinə daxil idi.

Kənddə yaşayan sonuncu azərbaycanlı ailələri qərbi azərbaycanlıla­rın 1988-ci il soyqırımı zamanı doğma yurdlarından qovulmuş, kənd bü­tünlüklə erməniləşdirilmişdir.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/