Hacıdur - Tiflis quberniyasının Borçalı qəza­sında, keçmiş Allahverdi (Tumanyan) rayonunda, indi Lori vilayətində kənd. Vilayət mərkəzi Vana- dzor (Böyük Qarakilsə) şəhərindən 60 km şi­mal-şərqdə, dəniz səviyyəsindən 1500 m hün­dürlükdə yerləşir. Kənddə əvvəlcə azərbay­canlılar yaşamış, ermənilərin bölgədə məskun- laşdırılmasından sonra əhalisi kəndi tədricən tərk etmişdir. Toponim Hacı şəxs adı ilə "ev, ya­şayış yeri" mənasında işlənən "tur" sözünün (359, III (2), s. 1446, 1787-1788) birləşməsindən düzəlmişdir. Antropotoponimdir. Erm. SSR AS RH-nin 3 yanvar 1935-ci il tarixli qərarı ilə kən­din adı dəyişdirilərək "Tsaxkaşat" qoyulmuşdur. "Ermənistan Respublikasının inzibati-ərazi böl­güsü haqqında" 7 noyabr 1995-ci il tarixli yeni Qanuna əsasən, Lori vilayətinin inzibati ərazisinə daxil edilmişdir (416, s. 100).

Coğrafi koordinatları: 41°04' şm. e., 44°44' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/