Keşişkənd (Qexarot) - İrəvan quberniyasının Aleksandropol qəzasında, keçmiş Araqats (Alagöz) rayonunda, indi Araqatsotn vilayətində kənd. Araqats (Alagöz) yaşayış məntəqəsindən 15 km cənubda yerləşir. 1972-ci ilə kimi keçmiş Abaran rayonunun tərkibində olmuşdur. 15 mart 1972-ci ildə Araqats (Alagöz) rayonunun yaradılması ilə əlaqədar Abaran rayonunun tərkibindən çıxarılıb Araqats (Alagöz) rayonunun tərkibinə daxil edil­mişdir. Toponim qədim türk dilində "keçid, bərə, körpü" mənasında işlənən "keçiş/keşiş" (Azərbay­can dilində "ç~ş" əvəzlənməsi qanunauyğun hal­dır) sözünə (299, s. 291) "kənd" sözünün qoşul­ması əsasında əmələ gəlib "keçid, bərə yanında olan kənd" mənasını ifadə edir. Relyef əsasında yaranan mürəkkəb quruluşlu toponimdir. Erm. SSR AS RH-nin 3 yanvar 1935-ci il tarixli qərarı ilə kəndin adı dəyişdirilərək "Qexarot" qoyulmuşdur. 7 noyabr 1995-ci il tarixli "Ermənistan Respubli­kasının inzibati-ərazi bölgüsü haqqında" yeni Qa­nuna əsasən, Araqatsotn vilayətinin inzibati ərazi­sinə daxil edilmişdir (416, s. 55-72).

Coğrafi koordinatları: 40°42' şm. e., 44°13' ş. u.