Aşağı Pirtikan - İrəvan quberniyasının Aleksandropol qəzasında, keçmiş Talin (Talin) rayonunda, indi Araqatsotn vilayətində kənd. Talin şəhərindən 9 km şimalda, Mastara kəndin­dən 2 km şimal-şərqdə, Mastara çayının ya­nında, dəniz səviyyəsindən 1900 m hündürlükdə yerləşir. Kəndin digər adı Türk Pirtikanı (Pirtikan Türk) olmuşdur (415, s. 36). Kənddə 1873-cü ildə 65, 1886-cı ildə 112, 1897-ci ildə 140, 1904-cü ildə 153, 1914-cü ildə 166, 1916-cı ildə 157 nəfər yalnız azərbaycanlı yaşamışdır (415, s. 36- 37, 118-119). 1918-ci ildə kənd erməni təcavü­zünə məruz qalaraq sakinləri - azərbaycanlılar qırğınlarla deportasiya olunmuş və Türkiyədən köçürülüb gətirilən ermənilər burada yerləşdiril­mişdir. Hazırda kənddə yalnız ermənilər yaşayır. Toponim qıpçaqların "tikan" etnonimi (286, s. 66) əsasında əmələ gəlmişdir. Toponimin əvvəlin­dəki "aşağı" sözü Azərbaycan toponimiyasında fərqləndirici əlamət bildirən söz kimi iştirak edir. "Pir" sözü isə dini məbəd mənasında işlənir. "Ti­kan tayfasının tikdiyi pirin yanındakı kənd" mə­nasını ifadə edir. Etnotoponimdir. Erm. SSR AS RH-nin 2 mart 1940-cı il tarixli qərarı ilə adı də­yişdirilərək "Zoragyuğ" qoyulmuşdur. "Ermənis­tan Respublikasının inzibati-ərazi bölgüsü haqqında" 7 noyabr 1995-ci il tarixli yeni Qanu­na əsasən, Araqatsotn vilayətinin inzibati ərazi­sinə daxil edilmişdir (416, s. 126).

Coğrafi koordinatları: 40°28' şm. e„ 43°54' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/