Hamamlı - İrəvan quberniyasının Aleksandropol qəzasında, keçmiş Hamamlı (Spitak) rayonunda, indi Lori vilayətində hazırda Spitak adlanan şəhər. Vilayət mərkəzi Vanadzor (Böyük Qarakilsə) şəhərindən 15 km qərbdə, Pəmbək çayının yuxarı axarında, dəniz səviyyəsindən 1530 m hündürlükdə yerləşir. 1801-ci ildə Rusiya tərəfindən işğal edilmiş Pəmbək-Şörəyel distansiyasına daxil edilmişdir. XIX əsrdə yeni yaradılan inzibati ərazi bölgüsünə əsasən, İrəvan quberniyasının Aleksandropol qəzasının tərkibinə verilmişdir. İndiki Ermənistan ərazisində sovet hakimiyyəti qurulandan sonra Lori-Pəmbək qəzasına daxil olmuşdur (Erməni Sovet Ensiklopediyası, II c., İrəvan, 1985, s. 75; 85, s. 331). "İrəvan əyalətinin icmal dəftəri"ndə (143, s. 132), Qafqazın 5 verstlik xəritəsində (348, s. 14) qeyd edilmişdir. Kənddə əvvəlcə azərbaycanlılar yaşamış, ermənilərin bölgədə məskunlaşdırılmasın- dan sonra əhalisi kəndi tədricən tərk etmişdir. 1937-ci ilə kimi Qarakilsə (Quqark) rayonunun tərkibində olmuşdur. Hamamlı toponimi Hamam şəxs adına mənsubluq bildirən "-h" şəkilçisinin artırılması əsasında əmələ gəlmişdir. 1937-ci il dekabrın 31-də Hamamlı adlı rayon yaradılmışdır. Erm. SSR AS RH-nin 26 sentyabr 1949-cu il tarixli qərarı ilə şəhərin adı dəyişdirilərək "Spitak" qoyulmuşdur. "Ermənistan Respublikasının inzibati-ərazi bölgüsü haqqında" 7 noyabr 1995-ci il tarixli yeni Qanuna əsasən, Lori vilayətinin inzibati ərazisinə daxil edilmişdir (416, s. 183).
Coğrafi koordinatları: 40°50' şm. e., 44°16' ş. u.
Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/