Sərdarabad - İrəvan quberniyasının Eçmiəd­zİn qəzasında, keçmiş Qurduqulu (Hoktember­yan) rayonunda, indi Armavir vilayətində şəhər. İrəvan şəhərindən 43 km qərbdə, dəniz səviyyə-sindən 860 m hündürlükdə yerləşir. Qafqazın 5 verstlik xəritəsində qeyd edilmişdir (348, s. 219). 1897-ci ildə kənddə 44 nəfər azərbaycanlı ya­şamışdır (415, s. 64-65). Azərbaycanlılar 1905- 1906-cı illərdə erməni silahlı birləşmələrinin törətdiyi qırğınlar nəticəsində deportasiya olun­muşlar. Hazırda kənddə yalnız ermənilər yaşayır. Toponim "bir vilayəti idarə edən və dövlət baş­çısı adından sərəncam vermək hüququna malik olan hakim" mənasında işlənən "sərdar" sözü ilə (12, s. 59) "abad" sözünün birləşməsindən əmələ gəlib, "Sərdarın abad etdiyi, saldığı kənd" mə­nasını verir. Toponimin tərkibindəki "sərdar" və "abad" ifadəsi kəndin İrəvan xanı tərəfindən inşa edildiyini göstərir. Ərazi İrəvan xanlarının mülkü olmuşdur. Erm. SSR AS RH-nin 3 yanvar 1935-ci il tarixli qərarı ilə kəndin adı dəyişdirilərək "Hok- tember" (1917-ci il Oktyabr inqilabının şərəfinə), Ermənistan Respublikası prezidentinin 7 noyabr 1995-ci il tarixli fərmanı ilə yenidən dəyişdi­rilərək "Armavir" qoyulmuşdur. "Ermənistan Res­publikasının inzibati-ərazi bölgüsü haqqında" 7 noyabr 1995-ci il tarixli yeni Qanuna əsasən, Armavir vilayətinin mərkəzidir (416, s. 36).

Coğrafi koordinatları: 40°09' şm. e., 44°02' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/