Cəlaloğlu - Tiflis quberniyasının Borçalı qə­zasında, keçmiş Cəlaloğlu (Stepanavan) rayo­nunda, indi Tavuş vilayətində şəhər. Vilayət mərkəzi İcevan (Karvansara) şəhərindən 26 km məsafədə, dəniz səviyyəsindən 1400 m hündür­lükdə yerləşir. 1801 -ci ildə Gürcüstanın Rusiya­nın tərkibinə daxil olması ilə əlaqədar rayonun ərazisi Tiflis quberniyasının tərkibində Rusiyanın tabeliyinə keçmişdir. 1919-cu ildən 1920-ci ilin noyabrınadək Loriyə daxil olmuş, indiki Ermə­nistan ərazisində 1920-ci il noyabrın 29-da so­vet hakimiyyəti qurulduqdan sonra Lori-Pəmbək qəzasının tərkibində Ermənistanın tabe­çiliyinə keçmişdir. 1930-cu il sentyabrın 9-da keçmiş Cəlaloğlu rayonu yaradılmışdır. Toponim qızılbaş tayfasından olan Əmir Məhəmməd bəy Cəlaloğlunun adı (176, s. 14) əsasında yaranmış­dır. Həmin yaşayış məntəqəsi çəpni türk tayfası­nın əmiri Məhəmməd bəy Cəlaloğluna mənsub olduğu üçün Cəlaloğlu kəndi adlanmışdır. Kənddə əvvəlcə azərbaycanlılar yaşamış, ermə­nilərin bölgədə məskunlaşdırılmasından sonra əhalisi tədricən kəndi tərk etmişdir. Antropoto- ponimdir. İndiki Ermənistanın Torpaq Komitəsi­nin 1923-cü il qərarı ilə adı dəyişdirilərək azər­baycanlılara qarşı soyqırımı təşkil etmiş Stepan Şaumyanın şərəfinə "Stepanavan" qoyulmuşdur. "Ermənistan Respublikasının inzibati-ərazi böl­güsü haqqında" 7 noyabr 1995-ci il tarixli yeni Qanuna əsasən, Tavuş vilayətinin inzibati ərazi­sinə daxil edilmişdir (416, s. 183-184). Coğrafi koordinatları: 4Г00' şm. e., 44°23' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/