Musluqlu - İrəvan quberniyasının Aleksan- dropol qəzasında, keçmiş Ağin (Ani) rayonun­da, indi Şirak vilayətində kənd. Vilayət mərkəzi Gümrü şəhərindən 35 km cənubda, Arpaçayın yaxınlığında, dəniz səviyyəsindən 1960 m hün­dürlükdə yerləşir. 1930-cu ildə keçmiş Talın (Talin) rayonunun tərkibində olmuşdur. Kənddə əvvəl­cə azərbaycanlılar yaşamış, ermənilərin bölgə­də məskunlaşdırılmasından sonra əhali tədricən kəndi tərk etmişdir. 1829-1830-cu illərdə Tür­kiyənin Ələşkirt, Ərzurum və Muş vilayətlərindən köçürülüb gətirilən ermənilər Musluqlu kəndinə yerləşdirilmişdir (416, s. 86). Toponim qədim türk dilində "kran, kiçik turba kranı" mənasında iş­lənən "musluk" sözünə (277, II, s. 264) "-lu" şə­kilçisinin qoşulması əsasında yaranmışdır. Relyef əsasında yaranan düzəltmə toponimdir. Erm. SSR AS RH-nin 30 fevral 1947-ci il tarixli qərarı ilə kəndin adı dəyişdirilərək "Lancik" qoyulmuşdur. "Ermənistan Respublikasının inzibati-ərazi böl­güsü haqqında" 7 noyabr 1995-ci il tarixli yeni Qanuna əsasən, Şirak vilayətinin inzibati ərazi­sinə daxil edilmişdir (416, s. 86).

Coğrafi koordinatları: 40°30' şm. e., 43°51' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/