Qazançı - İrəvan quberniyasının Aleksand­ropol qəzasında, keçmiş Qızılqoç (Qukasyan) rayonunda, indi Şirak vilayətində kənd. Erməni müəlliflərinin (415, s. 20,104) və azərbaycanlı təd­qiqatçıların əsərlərində "Qayı", "Qulu", "Qazançı" kimi də qeyd edilmişdir. (35, s. 162). Vilayət mərkəzi Gümrü şəhərindən 41 km şimalda, də­niz səviyyəsindən 2030 m hündürlükdə yerləşir. Ədirnə müqaviləsinə (1829) əsasən, ermənilərin Türkiyədən köçürülüb məskunlaşdırılmasından sonra kənddə yaşayan azərbaycanlılar Türkiyəyə köç etmişlər. "İrəvan əyalətinin icmal dəftəri"ndə (143, s. 130), Qafqazın 5 verstlik xəritəsində (348, s. 107) qeyd edilmişdir. Toponim türk mənşəli bulqar tayfalarından biri olan "qazan" etnoniminə (273, s. 235) "-çı" mənsubluq anlamı bildirən şə­kilçinin artırılmasından əmələ gələn "qazançı" et­nonimindən düzəlmişdir. Hazırda erməni dilində olan rəsmi sənədlərdə yaşayış məntəqəsinin adı "Ğazançi" kimi yazılır. "Ermənistan Respublika­sının inzibati-ərazi bölgüsü haqqında" 7 noyabr 1995-ci il tarixli yeni Qanuna əsasən, Şirak vilayə­tinin inzibati ərazisinə daxil edilmişdir (416, s. 128).

Coğrafi koordinatları: 41°04' şm. e., 43°49' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/