Dovşanqışlaq - İrəvan quberniyasının Aleksandropol qəzasında, keçmiş Ağin (Ani) rayonunda, indi Şirak vilayətində kənd. Vilayət mərkəzi Gümrü şəhərindən 20 km cənub- qərbdə, Arpaçayın yaxınlığında, dəniz səviyyəsindən 1510 m hündürlükdə yerləşir. 1828-ci ildən sonra İran və Türkiyədən köçürülüb gətirilən ermənilər bu kənddə yerləşdirilmişdir. Kəndin köklü sakinləri azərbaycanlılar mərhələ-mərhələ qovulmuşlar. 1918-1920-ci illərdə isə azərbaycanlılar erməni silahlıları tərəfində tam surətdə kənddən deportasiya olunmuşdur. 1926-cı ildə burada 1 nəfər azərbaycanlı yaşamışdır. Toponim "dovşan" və "qışlaq" sözlərinin birləşməsindən əmələ gəlmişdir. Erm. SSR AS RH-nin 19 aprel 1950-ci il tarixli qərarı ilə kəndin adı dəyişdirilərək "Şirakavan" qoyulmuşdur. "Ermənistan Respublikasının inzibati-ərazi bölgüsü haqqında" 7 noyabr 1995-ci il tarixli yeni Qanuna əsasən, Şirak vilayətinin inzibati ərazisinə daxil edilmişdir (416, s. 159).
Coğrafi koordinatları: 40°41' şm. e., 43°44' ş. u.
Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/