Qaraşamb - İrəvan quberniyasının Eçmiəd­zİn qəzasında, keçmiş Nairi rayonunda, indi Ko­tayk vilayətində kənd. Nairi yaşayış məntəqəsin­dən 5 km məsafədə yerləşir. 1972-ci ildə Nairi rayonu yaradılanadək Əştərək rayonunun tərki­bində olmuşdur. Kənddə 1831-ci ildə 28,1873-cü ildə 207, 1886-cı ildə 192, 1897-ci ildə 306, 1908-ci ildə 363, 1914-cü ildə 417, 1916-cı ildə 381 nəfər yalnız azərbaycanlı yaşamışdır (415, s. 22-23, 108-109). 1918-ci ildə kəndin əhalisi erməni silahlı birləşmələrinin təcavüzünə məruz qalaraq deportasiya olunmuş, Türkiyədən kö­çürülüb gətirilən ermənilər kənddə yerləşdiril­mişdir. Hazırda kənddə yalnız ermənilər yaşayır. Toponim qədim türk dilində "böyük" mənasında işlənən "qara" sözü ilə türk dilində "çay kənar­larında, iki çayın qovuşacağında qamış, yulğun, biyan və s. göyərdiyi, həmçinin çöl heyvanlarının və quşların yurd-yuva saldığı sucaq yer" məna­sında işlənən "şam" sözünün (129, s. 63) birləş­məsindən əmələ gəlmişdir. "Şam" sözü erməni dilində "şamb" formasında "qamışlıq" mənasında işlənir (30, s. 413). Hazırda erməni dilində olan rəsmi sənədlərdə yaşayış məntəqəsinin adı "Karaşamb" kimi yazılır. "Ermənistan Respublikası­nın inzibati-ərazi bölgüsü haqqında" 7 noyabr 1995-ci il tarixli yeni Qanuna əsasən, Kotayk vi­layətinin inzibati ərazisinə daxil edilmişdir (416, s. 207).

Coğrafi koordinatları: 40°24' şm. e., 44°35' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/