İlançalan - İrəvan quberniyasının Eçmiədzİn qəzasında, keçmiş Qəmərli (Artaşat) rayonunda, indi Araqatsotn vilayətində kənd. Vilayət mərkə­zi Aştarak (Əştərək) şəhərindən 8-9 km şimal­da, dəniz səviyyəsindən 1611 m hündürlükdə, Abaran çayının sağ tərəfində yerləşir. Qafqazın 5 verstlik xəritəsində (348, s. 101) qeyd edilmişdir. Kənddə əvvəlcə azərbaycanlılar yaşamış, ermə­nilərin bölgədə məskunlaşdırılmasından son­ra əhalisi kəndi tədricən tərk etmişdir. Toponim Azərbaycan dilində işlənən "ilan" ismi ilə "çalan" feili sifətinin birləşməsi nəticəsində formalaş­mışdır. 1920-ci ildə kəndin adı dəyişdirilərək "Artaşavan" qoyulmuşdur. "Ermənistan Respublika­sının inzibati-ərazi bölgüsü haqqında" 7 noyabr 1995-ci il tarixli yeni Qanuna əsasən, Araqatso­tn vilayətinin inzibati ərazisinə daxil edilmişdir (416, s. 37-38).

Coğrafi koordinatları: 40°23' şm. e., 44°22' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/