Şirəqala (Şirəkqala) - İrəvan quberniyasının Eçmiəd­zİn qəzasında, keçmiş Abaran rayonunda, indi Araqatsotn vilayətində kənd. Vilayət mərkə­zi Aştarak (Əştərək) şəhərindən 16 km şimal­da, Abaran çayının sağ qolu üstündə, Duluçay çayının sahilində, dəniz səviyyəsindən 1900 m hündürlükdə yerləşir. "İrəvan əyalətinin icmal dəftəri"ndə "Abaran nahiyəsində Şirəqala" kimi qeyd edilmişdir (143, s. 112), Erməni müəllif­lərinin əsərlərində 1914-cü ildə kənddə 1172 nəfər azərbaycanlının yaşadığı göstərilir (415, s. 97). 1918-ci ildə kənddə yaşayan azərbaycan­lılar qırğınlar nəticəsində tarixi-etnik torpaqla­rından deportasiya olunmuş, İran və Türkiyədən köçürülüb gətirilən ermənilər kənddə yerləşdiril­mişdir. Hazırda kənddə ermənilər yaşayır. Topo­nim "gil növü, mavi gil" mənasında işlənən "şirə" sözünə (253, s. 133), "istehkam, müdafiə tikilisi", "həbsxana, zindan" mənasında işlənən "qala" sözünün qoşulması nəticəsində əmələ gəlmişdir. Erm. SSR AS RH-nin 15 iyul 1946-cı il tarixli qə­rarı ilə kəndin adı dəyişdirilərək "Vardenut" qo­yulmuşdur. "Ermənistan Respublikasının inzibati- ərazi bölgüsü haqqında" 7 noyabr 1995-ci il ta­rixli yeni Qanuna əsasən, Araqatsotn vilayətinin inzibati ərazisinə daxil edilmişdir (416, s. 191).

Coğrafi koordinatları: 40°28' şm. e., 44°21' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/