Azərbaycanın şimal-qərbində yerləşən Qax rayonu Gürcüstanla həmsərhəddir. Rayon 1930-cu ildə qurulmuştur. Qax rayonunun mərkəzi, Qax şəhəri dəniz səviyyəsindən 500 m yüksəklikdə coşqun Kurmuxçayın sahilində, Böyük Qafqaz bağlarının meşəli cənub yamaclarında salınmışdır. Rayonda 1 şəhər 58 kənd vardır. Şəhərin adını bildirən «Qax» sözü «qala, istehkam» deməkdir. Qax Azərbaycanın mühüm aqrar-sənaye rayonlarından biridir. Rayon iqtisadiyyatının əsasını bitkiçilik (xüsusilə tütün və taxılçılıq üzrə ixtisaslaşmışdır), heyvandarlıq məhsullarının istehsalı təşkil edir. Qax meyvə-tərəvəz konservi zavodları yeyinti sənayesinin əsas müəssisələridir. İqtisadi rayon bir sıra faydalı qazıntılarla zəngindir: kükürd, polimetal filizi. Dağlıq və dağətəyi yerlərdə, əsasən də çayların gətirmə konuslarında bol çınqıl, qum, gil və başqa tikinti materialları xammalı vardır.