Ellər - İrəvan quberniyasının İrəvan qəza­sında, keçmiş Ellər (Abovyan) rayonunda, indi Kotayk vilayətində Abovyan şəhəri. Vilayət mərkəzi Hrazdan (Axta) şəhərindən 37 km mə­safədə, İrəvan şəhərinin şimal-şərqində, dəniz səviyyəsindən 1360 m hündürlükdə yerləşir. Kənddə əvvəlcə azərbaycanlılar yaşamış, ermə­nilərin bölgədə məskunlaşdırılmasından sonra əhalisi kəndi tərk etmişdir. 9 sentyabr 1930-cu ildə yaradılan Ellər rayonunun mərkəzi olmuş­dur. 1961 -ci ildə erməni yazıçısı Xaçatur Abov- yanın şərəfinə "Abovyan" adlandırılmışdır. 1963-cü ildə şəhər statusu verilmişdir. Qafqazın 5 verstlik xəritəsində "Eylayar" (348, s. 320), erməni müəl­liflərinin əsərlərində "Eylar" (415, s. 44), "Elar" (419, s. 107, 416, s. 6) formalarında qeyd edil­mişdir. Toponim türk dilində "xalq, tayfa", "tayfa birləşməsi, tayfa ittifaqı" mənasında işlənən "el" sözünə (299, s. 168; 278, s. 163; 339, s. 638) Azərbaycan dilində cəmlik bildirən "-lər" şəkilçi­sinin qoşulması əsasında əmələ gəlmişdir. Bu söz eyni mənada türk dilində "il" formasında da işlə­nir (299, s. 207; 365, s. 339-343). Yaşayış mən­təqəsinin adı Erm. SSR AS RH-nin 12 oktyabr 1961-ci il tarixli qərarı ilə dəyişdirilərək "Abov­yan" qoyulmuşdur. "Ermənistan Respublikası­nın inzibati-ərazi bölgüsü haqqında" 7 noyabr 1995-ci il tarixli yeni Qanuna əsasən, Kotayk vilayətinin inzibati ərazisinə daxil edilmişdir (416, s. 6).

Coğrafi koordinatları: 40°16' şm. e., 44°37' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/