Böyük Kəpənək - İrəvan quberniyasının Aleksandropol qəzasında, keçmiş Düzkənd (Axuryan) rayonunda, indi Şirak vilayətində kənd. Vilayət mərkəzi Gümrü şəhərindən 32 km şərqdə, dəniz səviyyəsindən 2045 m hündür­lükdə yerləşir. 1937-ci ilə kimi keçmiş Leninakan rayonunun tərkibində olmuşdur. Qafqazın 5 verstlik xəritəsində qeyd edilmişdir (348, s. 113). Kəndin köklü sakinləri azərbaycanlılar olmuşdur. 1877-1878-ci illərdə Türkiyənin Ərzurum vilayə­tindən ermənilərin köçürülüb kənddə yerləşdi­rilməsindən sonra azərbaycanlılar erməni silahlı birləşmələri tərəfindən kənddən qovulmuşdur. Hazırda burada yalnız ermənilər yaşayır. Topo­nim qədim türk dilində "yapıncı" mənasında iş­lənən "kəpənək" sözündən düzələn "kəpənəkçi" etnonimi (195, s. 159) əsasında əmələ gəlmişdir. Kəpənək sözünə "yapınçı" mənasında "Kita- bi-Dədə Qorqud" dastanında rast gəlinir. "Bö­yük" fərqləndirici əlamət bildirir. Erm. SSR AS RH-nin 3 yanvar 1935-ci il tarixli qərarı ilə kən­din adı dəyişdirilərək "Musaelyan" qoyulmuşdur. Hazırda kənd "Erzurum" adlanır. "Ermənistan Respublikasının inzibati-ərazi bölgüsü haqqın­da" 7 noyabr 1995-ci il tarixli yeni Qanuna əsasən, Şirak vilayətinin inzibati ərazisinə daxil edilmişdir (416, s. 142).

Coğrafi koordinatları: 40°45' şm. e., 43°59' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/