Molla Musa - Qars vilayətinin Şörəyel na­hiyəsində, sonradan sovet Ermənistanının keç­miş Düzkənd (Axuryan) rayonunda, indi Şirak vilayətində kənd. Vilayət mərkəzi Gümrü şəhə­rindən 5 km cənub-qərbdə, Arpaçayın sağ sahi­lində, dəniz səviyyəsindən 1500 m hündürlükdə yerləşir. 1937-ci ilə kimi Leninakan rayonunun tabeliyində olmuşdur. Kənddə 1886-cı ildə 462, 1897-ci ildə 591, 1904-cü ildə 671, 1914-cü ildə 762 nəfər yalnız azərbaycanlı yaşamışdır (415, s. 42-43, 122-123). 1918-ci ildə azərbaycanlılar erməni silahlı birləşmələrinin soyqırımına məruz qalaraq deportasiya olunmuşlar. 1921-ci il Qars müqaviləsinə əsasən, kənd Düzkənd nahiyəsinin tərkibində Aleksandropol qəzasına daxil edil­mişdir. Türkiyədən köçürülüb gətirilən ermənilər burada yerləşdirilmişdir. İndiki Ermənistan əra­zisində sovet hakimiyyəti qurulandan sonra sağ qalan kənd sakinləri öz evlərinə qayıda bilmişlər. Burada 1922-ci ildə 16 nəfər azərbaycanlı yaşa­mışdır (415, s. 122-123). 1923-1924-cü illərdə azərbaycanlılar kənddən çıxarılmışlar. Hazırda burada yalnız ermənilər yaşayır. Toponim "Molla Musa" şəxs adı əsasında formalaşmışdır. Kəndin adı dəyişdirilərək əvvəlcə "Musakan", daha son­ra Erm. SSR AS RH-nin 26 aprel 1946-cı il tarixli qərarı ilə "Voskehask" adlandırılmışdır. "Ermə­nistan Respublikasının inzibati-ərazi bölgüsü haqqında" 7 noyabr 1995-ci il tarixli yeni Qanu­na əsasən, kənd Şirak vilayətinin inzibati ərazi­sinə daxil edilmişdir (416, s. 161).

Coğrafi koordinatları: 40°44' şm. e., 43°46' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/