Qıpçaq - İrəvan quberniyasının Aleksandropol qəzasında, keçmiş Artik rayonunda, indi Şirak vilayətində kənd. Vilayət mərkəzi Gümrü şəhərindən 22 km cənub-şərqdə, dəniz səviy­yəsindən 2020 m hündürlükdə yerləşir. "İrəvan əyalətinin icmal dəftəri"ndə (143. s. 124), Qafqa­zın 5 verstlik xəritəsində (348, s. 134) qeyd edil­mişdir. Kənddə əvvəlcə azərbaycanlılar yaşamış, Türkmənçay müqaviləsinə (1828) əsasən, ermə­nilərin bölgədə məskunlaşdırılmasından sonra əhali tədricən kəndi tərk etmişdir. Ermənilər kən­də Türkiyənin Ərzurum, Bayburd və Muş vilayət­lərindən köçürülüb yerləşdirilmişdir (416, s. 119). Toponim qədim türk tayfalarından olan "qıpçaq" etnonimi (228, s. 18; 286, s. 46-48; 66, s. 34-37) əsasında yaranmışdır. Erm. SSR AS RH-nin 31 may 1946-cı il tarixli qərarı ilə kəndin adı dəyiş­dirilərək "Haric" ("Xaricilər". İrandan köç etmiş ermənilərin şərəfinə) qoyulmuşdur. Kənddə orta əsrlərə aid bir neçə qıpçaq məbədi mövcuddur. "Ermənistan Respublikasının inzibati-ərazi böl­güsü haqqında" 7 noyabr 1995-ci il tarixli yeni Qanuna əsasən, Şirak vilayətinin inzibati ərazi­sinə daxil edilmişdir (416, s. 119).

Coğrafi koordinatları: 40°35' şm. e., 44°00' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/