Məlikkənd - İrəvan quberniyasının Alek­sandropol qəzasında, keçmiş Araqats (Alagöz) rayonunda, indi Araqatsotn vilayətində kənd. Vilayət mərkəzi Aştarak (Əştərək) şəhərindən 40 km məsafədə, Abaran çayının qolu üstündə, Dəvədaş və Dəvəboynu dağlarının ətəyində, də­niz səviyyəsindən 2184 m hündürlükdə yerləşir. "İrəvan əyalətinin icmal dəftəri"ndə qeyd edil­mişdir (143, s. 109). Kənddə əvvəlcə azərbay­canlılar yaşamış, ermənilərin bölgədə məskun- laşdırılmasından sonra əhali tədricən kəndi tərk etmişdir. Toponim "hökmdar, padşah" mənasın­da işlənən "məlik" sözünə (11, s. 290) "kənd" sözünün qoşulması ilə əmələ gəlib, "hökmdara, məlikə məxsus kənd" mənasını bildirir. Erm. SSR AS RH-nin 15 iyul 1946-cı il tarixli qərarı ilə kən­din adı dəyişdirilərək "Melikgyuğ" qoyulmuşdur. "Ermənistan Respublikasının inzibati-ərazi böl­güsü haqqında" 7 noyabr 1995-ci il tarixli yeni Qanuna əsasən, Araqatsotn vilayətinin inzibati ərazisinə daxil edilmişdir (416, s.135).

Coğrafi koordinatları: 40°40' şm. e., 44°21' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/