Evcilər - İrəvan quberniyasının Eçmiədzin qəzasında, keçmiş Qurduqulu (Hoktemberyan)rayonunda, indi Armavir vilayətində kənd. Vi­layət mərkəzi Armavir (Sərdarabad) şəhərindən 15 km cənub-şərqdə, dəniz səviyyəsindən 845 m hündürlükdə yerləşir. Qafqazın 5 verstlik xəritə­sində (348, s. 300) qeyd edilmişdir. Kənddə əv­vəlcə azərbaycanlılar yaşamış, ermənilərin böl­gədə məskunlaşdırılmasından sonra əhalisi kəndi tərk etmişdir. Ermənilər burada İranın Xoy və Səlmas vilayətlərindən köçürülüb yerləşdiril­mişdir (416, s. 27). Toponim dülqədirli türk tay­fasından olan "avcı" (evci - müəll.) etnoniminə (238, s. 185) cəmlik bildirən "-lər" şəkilçisinin ar­tırılması ilə əmələ gəlib, "evcilər tayfasına mən­sub kənd" mənasını bildirir. "Evci" "avçı" etnoni­minin fonetik variantıdır. Etnotoponimdir. Erm. SSR AS RH-nin 10 aprel 1947-ci il tarixli qərarı ilə adı dəyişdirilərək "Arazap" qoyulmuşdur. "Er­mənistan Respublikasının inzibati-ərazi bölgüsü haqqında" 7 noyabr 1995-ci il tarixli yeni Qa­nuna əsasən, Armavir vilayətinin inzibati ərazi­sinə daxil edilmişdir (416, s. 27).

Coğrafi koordinatları: 40°02' şm. e., 44°08' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/