Prezident təqaüdçüsü, Azərbaycan Yazıçılar Birliyinin Gənclər Şurasının üzvü, şair Fuad Cəfərlinin ingilis dilinə tərcümə olunmuş şeirlər kitabı işıq üzü görüb.
Bu barədə müəllif özü məlumat verib.
Onun sözlərinə görə, "The Sun, Me and The Shadow" (“Günəş, Mən və Kölgə”) adlı şeirlər toplusu 72 səhifədən ibarətdir.
Kitabda müəllifin əvvəlki illərdə və son dövrlərdə yazdığı şeirlər toplanıb. Şeirləri ingilis dilinə tərcüməçi Sevil Gültən çevirib. “Pergament” nəşriyyatında işıq üzü görən kitabın redaktoru İlyas Məmmədovdur.