.png?v=DqKtbngFu8-eBM77oNP77E2SV2gNF4_tUk0Y9IcK12s)
Mədəniyyət xəbərləri
Ukraynalı aktyorlar ADMİU-nun tələbələri üçün master-klas keçirib
17.03.2022
Azərbaycan Respublikası Diasporla İş üzrə Dövlət Komitəsinin təşəbbüsü ilə Ukraynanın “Qara kvadrat” improvizasiya teatrının aktyorları Azərbaycan Dövlət Mədəniyyət və İncəsənət Universitetinin (ADMİU) tələbələri ilə görüşüb.
Komitədən AZƏRTAC-a bildiriblər ki, əvvəlcə Ukraynanın “Qara kvadrat” improvizasiya teatrı barədə məlumat verilib. Sonra teatrın aktyorları tələbələrlə səhnə qabiliyyəti və səhnə danışığı üzrə interaktiv master-klas keçirib.
Sonda ukraynalı aktyorlar jurnalist-yazar Elşad Eyvazlının Xocalı soyqırımına həsr olunmuş “Böyüməyən uşaqlar” əsərinin motivləri əsasında hazırlanmış eyniadlı tamaşadan bir parça nümayiş etdiriblər.
Oxşar Xəbərlər
×
![]()