Coğaz - Yelizavetpol (Gəncə) quberniyasının Qazax qəzasında, keçmiş Karvansara (İcevan) ra­yonunda, indi Tavuş vilayətində kənd. Kəndin qədim adı Cuğaz olmuşdur (415,s. 40). Vilayət mərkəzi İcevan (Karvansara) şəhərindən 22 km şimalda, dəniz səviyyəsindən 700 m hündür­lükdə yerləşir. Toponim qədim türk dilində su sözünün fonetik forması olan "cu" (со) sözü ilə (339, s. 181; 210 a., s. 109) "ğas/qaz/xaz" qədim türk etnoniminin (78, s. 29-36) variantı olan "ğaz" (xaz, qaz, qas) etnoniminin birləşməsi əsa­sında əmələ gəlmişdir. Bu etnonim Qazax, Qafqaz toponimlərində öz İzini aydın şəkildə qoruyub saxlamışdır. Su mənasında işlənən "cu" sözü cuvar sözündə, erməni dilində cur (su) sö­zündə "cu" formalarında öz əksini tapmışdır. Eyni zamanda Azərbaycan dilində gildən, saxsı­dan, şüşədən düzəldilən darboğazlı suqabı mə­nasında işlənən "cürdək" sözünün (12, s. 492) İlk komponenti "cü" də "su" sözünün fonetik for­masıdır. Erm. SSR AS RH-nin 25 yanvar 1978-ci il tarixli qərarı ilə kəndin adı dəyişdirilərək "Berkaber" qoyulmuşdur. Kənd "Ermənistan Respubli­kasının inzibati-ərazi bölgüsü haqqında" 7 no­yabr 1995-ci il tarixli yeni Qanuna əsasən, Tavuş vilayətinin inzibati ərazisinə daxil edilmişdir (416, s. 46-47). Coğrafi koordinatları: 41°03' şm. e., 45°08' ş. u.

Ədəbiyyat:
1. İ.Bayramov, N.Mustafa Həqiqətin Onomastikasi, İndiki Ermənistan Respublikası ərazisində tarixi-coğrafi adların dəyişdirilməsi və saxtalaşdırılması 2021
2. Əziz Ələkbərli Qərbi Azərbaycanlıların 1988-ci il soyqırımı 2010
3. Əziz Ələkbərli Qərbi Azərbaycan abidələri 2007
4. Əziz Ələkbərli Qərbi Azərbaycanda soyqırımına məruz qalmış Toponimlərimiz
5. https://erevangala500.com/