Şamaxı Dövlət Rəsm Qalereyası Azərbaycan Respublikası Mədəniyyət Nazirliyinin 24 avqust 1990- cı il tarixli 306 nömrəli əmrinə əsasən yaradılmışdır. Rəsm Qalereyası Mərkəzləşdirilmiş Kitabxana Sisteminin ikinci mərtəbəsində yerləşir. Qalereyanın ümumi sahəsi  198 kv.m.-dir.

Rəsm Qalereyası bir ekspozisiya zalı, bir fond mühafizə otağı və işçi otağından ibarətdir.

 Rəsm Qalereyasında 106 əsər var. Əsərlərdən 70-i Qalereyanın öz balansındadır. Qalereyanın ekspozisiyasında 58 əsər nümayiş olunur. Bu əsərlər  Azərbaycanın gənc rəssamlarının, eyni zamanda yerli rəssamların əsərləridir.

      İl ərzində qalereyada müxtəlif sərgilər təşkil olunur, tədbirlər keçirilir. Mütəmadi olaraq keçirilən ümumrayon tədbirləri zamanı Rəsm Qalereyası müxtəlif mövzulu sərgilər təşkil edir.