XƏBƏRLƏR

Azərbaycan Respublikasının mədəniyyət naziri Anar Kərimov Özbəkistana səfəri çərçivəsində Türkiyənin mədəniyyət və turizm naziri Mehmet Nuri Ersoy ilə görüşüb. Görüşdə Anar Kərimov ikitərəfli dostluq və qardaşlıq münasibətlərinin bütün sahələrdə uğurla inkişaf etdiyini qeyd edib, mədəniyyət sahəsində əməkdaşlığın daha da genişləndirilməsindən məmnunluğunu ifadə edib. Nazir vurğulayıb ki, Azərbaycan və Türkiyə münasibətləri bölgədə bütün türk dövlətləri üçün örnək nümunə olmalıdır. Nazir görüş zamanı işğaldan azad olunmuş ərazilərdə aparılan geniş yenidənqurma və bərpa işləri barədə məlumat verib. Görüş zamanı nazir Anar Kərimovun Türkiyəyə və Türkiyə mədəniyyət və turizm nazirinin müavini Ahmet Misbah Demircanın rəhbərlik etdiyi nümayəndə heyətinin ölkəmizə səfərlərindən də söz açılıb, ortaq layihələr və mədəniyyət sahəsində birgə fəaliyyətin və əməkdaşlığın perspektivləri müzakirə edilib. Ankarada keçirilən görüşün nəticəsi ilə bağlı mədəni əməkdaşlığın dərinləşdirilməsinə dair incəsənət, muzey, kitabxana, mədəni irs sahələrində davamlı işlərin aparılmasının vacibliyi qeyd olunub. Ankarada iki ölkə arasında mədəniyyət üzrə birgə komissiyanın iclasında müzakirə olunan və imzalanan sənədlərə dair tədbirlər planının hazırlanmasının yekunlaşdırılması və yaxın zamanda imzalanması ilə bağlı işlərin aparılması barədə fikir mübadiləsi aparılıb. Ölkələrimiz arasında Türk Əməkdaşlıq və Koordinasiya Agentliyi ilə əməkdaşlıq çərçivəsində mədəni irsin qorunması, tarixi abidələrin bərpası istiqamətində də münasibətlərin inkişaf edərək genişlənməsindən məmnunluq  ifadə edilib. Görüşdə cari ilin 6-10 oktyabr tarixlərində Mədəniyyət Nazirliyinin təşkilatçılığı ilə VII Bakı Beynəlxalq Kitab Sərgi-Yarmarkası keçiriləcəyi, sərgi-yarmarkada Türkiyədən nümayəndələrin və nəşriyyatların da iştirakının nəzərdə tutulduğu bildirilib. Həmçinin görüşdə “Yunus Əmrə İli” və “Nizami Gəncəvi İli” çərçivəsində Azərbaycan və Türkiyədə həyata keçirilən layihələr və gələcəkdə birgə təşkili planlaşdırılan tədbirlər barədə müzakirələr aparılıb.

Özbəkistanda səfərdə olan Azərbaycan Respublikasının mədəniyyət naziri Anar Kərimov bir sıra beynəlxalq təşkilatların rəhbər və nümayəndələri ilə görüşlər keçirib. Nazir Anar Kərimovun Macarıstanın xarici işlər naziri Peter Siyarto ilə görüşündə iki ölkə arasında sosial və humanitar elmlər sahəsində əməkdaşlığı ilə bağlı fikir mübadiləsi aparılıb. Macarıstan ilə Azərbaycan arasında əməkdaşlığın tarixindən söz açan Anar Kərimov bu əlaqələrin inkişafında Azərbaycan Respublikasının Prezidenti İlham Əliyevin müstəsna xidmətləri olduğunu və münasibətlərin inkişafına xüsusi əhəmiyyət verdiyini bildirib. Nazir həmçinin, Ermənistanın 30 ilə yaxın işğal altında saxladığı Azərbaycan ərazilərində xalqımıza məxsus maddi mədəni irs nümunələrini vandalizmə məruz qoyduğunu, mənimsədiyini qarşı tərəfin diqqətinə çatdırıb. Bildirib ki, müzəffər Azərbaycan Ordusu 44 günlük müharibə nəticəsində ölkəmizin ərazi bütövlüyünü bərpa edib. Hazırda Azərbaycan dövləti işğaldan azad olunmuş ərazilərdə geniş bərpa və yenidənqurma işləri həyata keçirir. Nazir Macarıstanın Azərbaycanın ərazi bütövlüyünü dəstəkləməsini yüksək qiymətləndirərək,  mövcud əməkdaşlığın genişləndirilməsi üçün əlverişli potensialın olduğunu qeyd edib. Macarıstanın xarici işlər naziri Peter Siyarto Azərbaycanın işğaldan azad edilmiş torpaqlarında xristian abidələrinin bərpasında maraqlı olduqlarını və bu istiqamətdə Liviyada, İraqda və digər ölkələrdə müvafiq işlərin aparıldığını diqqətə çatdırıb.  O, Şuşanın 2023-cü ildə “Türk dünyasının mədəniyyət paytaxtı” elan edilməsi təşəbbüsünü alqışladı və hər cür dəstəyin göstərilməsinə hazır olduqlarını bildirib. Nazir eyni zamanda, Macarıstanın Vesprem şəhərinin 2023-cü ildə Avropanın mədəniyyət paytaxtı elan edilməsi, habelə qarşılıqlı birgə tədbirlərin keçirilməsi barədə fikir mübadiləsi aparıb. Söhbət zamanı işğaldan azad olunmuş ərazilərə Azərbaycanın dəvət etdiyi UNESCO missiyası ilə bağlı müzakirələr aparılıb. Görüş zamanı həmçinin humanitar sahədə əməkdaşlıq çərçivəsində Macarıstanda Azərbaycan dilinin tədris olunması və bununla əlaqədar Azərbaycan tərəfindən müvafiq dəstəyin göstəriləcəyi vurğulanıb, hər iki ölkənin gəncləri, yaradıcı şəxsləri arasında əlaqələrin genişləndirilməsi, birgə tədbirlərin və qarşılıqlı səfərlərin təşkili məsələləri müzakirə edilib.

Mədəniyyət Nazirliyinin dəstəyi ilə Heydər Əliyev Sarayının nəzdində yaradılan “Prodüser mərkəzi” Milli Musiqi Günü münasibəti ilə sosial videoçarx hazırlayıb. Videoçarxın hazırlanmasının əsas məqsədi dahi bəstəkar Üzeyir Hacıbəyli irsinin, klassik musiqimizin Azərbaycan gənclərinə təbliğ edilməsidir.  Layihənin ideya müəllifi Azərbaycan Respublikasının Əməkdar artisti Ramil Qasımov, səs rejissoru Cavid Cavad oğlu, aranjimançısı Coşqun Qadaşov, vokal üzrə müəllimi İnarə Babayeva və prodüseri Fərid Mərddir. Sosial videoçarxda Mədinə Ağayeva, Emin Məmmədov, Rəşad Ağayev, Əntiqə Yusifova, Kənan Məmmədzadə yer alıblar.

Azərbaycan Respublikasının Mədəniyyət Nazirliyi teatr təhsili sahəsində islahatların aparılması, kadr potensialının yüksəldilməsi məqsədilə “Gənc teatr prodüserləri üçün laboratoriya” layihəsinə start verir. Mədəniyyət Nazirliyinin Rusiya Dövlət Teatr Sənəti İnstitutu (QİTİS) ilə birgə təşkil etdiyi prodüserlər üçün laboratoriya Azərbaycanda teatr menecmentinin və prodüserlik strukturunun inkişafı, teatr idarəetməsi sahəsində gənc nəslin bilik və bacarıqlarının artırılması məqsədini qarşıya qoyur. Qeyd edək ki, laboratoriya Mədəniyyət Nazirliyinin strateji hədəflərə istiqamətlənmiş silsilə layihələrinin davamıdır.  3-9 oktyabr tarixlərində Yarat Müasir İncəsənət Məkanında təşkil ediləcək laboratoriyada teatr təhsili sahəsində dünyanın ən nüfuzlu ali təhsil müəssisələrindən olan QİTİS-in prodüserlik üzrə zəngin təcrübəyə malik pedaqoqları Elena Simurzina, Aleksandra Knyazeva, Elşən Məmmədov 7 gün ərzində müasir teatr menecmenti və prodüserlik fəaliyyəti ilə bağlı bilik və bacarıqlarını bölüşəcəklər. Menecment və prodüserlik sahəsinə maraq göstərən gənclərə laboratoriyada ödənişsiz iştirak etmək imkanı yaradılır. Təlimlərə qoşulmaq istəyənlər 30 sentyabr tarixinə qədər müraciət formasını dolduraraq, k.jafarova@mct.gov.az elektron poçt ünvanına göndərə bilər.   MÜRACİƏT FORMASI

Sentyabrın 16-da Özbəkistanın Xivə şəhərində Beynəlxalq Türk Mədəniyyəti Təşkilatı – TÜRKSOY-un Daimi Şurasının 38-ci iclası keçirilib. İclasda iştirak edən Özbəkistan Baş nazirinin müavini Aziz Abduhakimov, mədəniyyət naziri Ozodbek Nazarbekov, Türk Şurasının Baş katibi Bağdad Amreyev, TÜRKSOY-un Baş katibi Düsen Kaseinov, Macarıstanın xarici işlər naziri Peter Siyarto, TürkPA-nın Baş katibi Altınbek Mamayusupov, Türkiyənin mədəniyyət və turizm naziri Mehmet Nuri Ersoy, Qırğızıstanın mədəniyyət, elm, idman və gənclər naziri Kairat İmanaliyev, Qazaxıstanın mədəniyyət və idman naziri Nurkıssa Dauyeshov və başqalarının çıxışları dinlənilib. Tədbirdə çıxış edən mədəniyyət naziri Anar Kərimov Türk dünyasının mədəniyyəti və irsinin qorunması və təşviqinin, türk xalqları arasında həmrəylik və qarşılıqlı anlaşmanın daha da möhkəmləndirməsinin əhəmiyyətini qeyd edib. Bildirib ki, türk xalqlarının tarixi-mədəni irsi, ədəbiyyatı, bir sözlə ortaq dəyərlərinin beynəlxalq səviyyədə təbliği qarşıda duran vacib məsələlərdəndir. Nazir çıxışında 44 günlük Vətən müharibəsi dövründə Azərbaycana göstərdikləri dəstəyə görə TÜRKSOY-a, Türk Şurasına və türkdilli dövlətlərə təşəkkürünü ifadə edib. Türk dünyasının görkəmli şəxsiyyətlərinin təbliğində TÜRKSOY-un xidmətlərini yüksək qiymətləndirən Anar Kərimov təşkilat tərəfindən Azərbaycanın tanınmış ədəbiyyat və mədəniyyət xadimlərinə göstərilən diqqəti xüsusi vurğulayıb. Bildirib ki, TÜRKSOY-un 2017-ci ilin “Molla Pənah Vaqif İli”, 2018-ci ilin “Qara Qarayev İli”, 2019-cu ilin isə “İmadəddin Nəsimi İli” etməsi, habelə 2020-ci ildə Həsən Seyidbəyli və 2021-ci ildə Mikayıl Abdullayevin 100 illik yubileyləri ilə əlaqədar müxtəlif səpkili tədbirlər yüksək qiymətə layiqdir: “Bu ilin mart ayında Türkiyəyə səfərim çərçivəsində “Nizami ili”nin açılış mərasimi, SSRİ Xalq rəssamı Mikayıl Abdullayevin 100 illiyinə həsr olunmuş sərginin açılışı və digər tədbirlərin təşkili TÜRKSOY-un türk mədəniyyətinin inkişafı və təşviqindəki müstəsna rolunun göstəricisidir. 2022-ci ilin TÜRKSOY çərçivəsində SSRİ Xalq artisti, görkəmli bəstəkar Fikrət Əmirovun anadan olmasının 100 illiyinə ithaf olunmasını da əhəmiyyətli hesab edirik. Bununla yanaşı, Türk dünyası mədəniyyət proqramları çərçivəsində Azərbaycanın qədim mədəniyyət ocaqlarından biri olan Şuşa şəhərinin 2023-cü il üçün “Türk Dünyasının Mədəniyyət Paytaxtı” elan olunmasını təklif edirik”. Nazir qeyd edib ki, Prezident İlham Əliyevin sərəncamı ilə Şuşa şəhəri Azərbaycan mədəniyyətinin paytaxtı elan olunub: “İCESCO rəhbərinin bu ilin əvvəlində ölkəmizə səfəri zamanı Şuşanın “İslam Mədəniyyətinin Paytaxtı” elan edilməsi ilə bağlı təşəbbüsü irəli sürülüb. TÜRKSOY tərəfindən də Şuşanın 2023-cü il üçün “Türk Dünyasının Mədəniyyət Paytaxtı” elan edilməsi Türk-İslam dünyasının Azərbaycanın qədim şəhərinin mədəni zənginliyinə diqqətinin daha bir göstəricisi olacaq”. Anar Kərimov diqqətə çatdırıb ki, uzun fasilədən sonra bu ilin may ayında Cıdır düzündə – hər bir azərbaycanlı üçün müqəddəs olan Şuşada ənənəvi “Xarıbülbül” festivalı keçirilib: “Biz o günü 30 il səbirsizliklə gözləmişdik, 30 il Vətən həsrəti ilə yaşamışdıq. Biz bu gözəl ənənəni bərpa etdik və bundan sonra “Xarıbülbül” festivalı Şuşada hər il keçiriləcək. Builki festivalda ölkəmizdə yaşayan müxtəlif xalqların nümayəndələri çıxış etdilər və bu onu göstərdi ki, Azərbaycanda bütün xalqlar dostluq, qardaşlıq, həmrəylik şəraitində yaşayır. Bununla yanaşı, 39 illik tarixi olan Vaqif Poeziya Günləri Şuşa işğaldan azad edildikdən sonra Heydər Əliyev Fondu tərəfindən yenidən bu qədim şəhərimizdə təşkil olundu. 29 ildən sonra həmvətənləri yenidən öz dövrünün böyük şairi, mütəfəkkiri və dövlət xadimi Molla Pənah Vaqifin görüşünə gəldi. Şairin məqbərəsinin yenidən açılışı keçirildi. Prezident İlham Əliyevin Şuşa şəhərini ölkəmizin mədəniyyət paytaxtı elan etməsi, burada “Xarıbülbül” musiqi festivalının və Vaqif Poeziya Günlərinin bərpa edilməsi təkcə Şuşa şəhərində deyil, bütövlükdə torpaqlarını işğaldan azad etmiş və ərazi bütövlüyünə qovuşmuş müstəqil Azərbaycanda mədəni həyatın təntənəsinə çevrildi”. *      *      * Toplantıda rəsmi çıxışlardan sonra TÜRKSOY-un illik hesabatı dinlənilib, Türkiyənin Bursa şəhərinin 2022-ci il üçün “Türk Dünyasının Mədəniyyət Paytaxtı” seçilməsi ilə əlaqədar təqdimat və bununla əlaqədar səsvermə təşkil olunub. Həmçinin TÜRKSOY-un yeni rəhbərinin seçilməsi, normativ-hüquqi sənədlərində bəzi dəyişiklik edilməsi ilə bağlı fikir mübadiləsi aparılıb, 2020-ci il üçün Fəaliyyət proqramına salınan təkliflər, TÜRKSOY-da 2022-ci ildə anım ili ilə əlaqədar fikir mübadiləsi olub. “TRT Avaz”ın Türk dünyasının birliyi və onun zənginliklərinin təbliği ilə bağlı təqdimatı keçirilib və TÜRKSOY-un yeni Baş katibin seçilməsi ilə əlaqədar müzakirələr aparılıb. Toplantının sonunda 2022-ci ildə Bursa şəhərinin “Türk Dünyasının Mədəniyyət Paytaxtı seçilməsi, TÜRKSOY-a yeni Baş katibin seçilməsinin 2022-ci ildə keçirilməsi, SSRİ Xalq artisti, görkəmli Azərbaycan bəstəkarı Fikrət Əmirovun anadan olmasının 100, Türkiyənin tanınmış şairi Süleyman Çelebinin vəfatının 600, Qırğızıstanın Xalq yazıçısı Toktobolot Abdumomunovun anadan olmasının 100 illiklərinin 2022-ci ildə TÜRKSOY miqyasında qeyd olunması, eyni zamanda təşkilatın Daimi Şurasının 39-cu toplantısına Bursanın ev sahibliyi etməsi ilə əlaqədar qərar qəbul edilib. TÜRKSOY Daimi Şurasına sədrlik Özbəkistandan Türkiyəyə keçib. Toplantının sonunda üzv ölkələr və beynəlxalq təşkilatların nümayəndələrinə hədiyyələr təqdim olunub və ailə fotosu çəkdirilib. Tədbirdən sonra Anar Kərimov Özbəkistanın “Xorazm” telekanalı, “Özbəkistan 24” və “Bright Uzbekistan” telekanallarına müsahibə verib. Azərbaycan-Özbəkistan əlaqələrinin yüksək səviyyəsindən məmnunluğunu bildirən nazir iki ölkənin münasibətlərinin əsasında milli, tarixi və dini faktorların böyük rol oynadığını dilə gətirib. İki ölkənin beynəlxalq təşkilatlar çərçivəsində də bir-birinə dəstək verdiklərini qeyd edib. O, TÜRKSOY təşkilatı çərçivəsində üzv ölkələrin gələcək əməkdaşlıq perspektivlərini də yüksək qiymətləndirib. Anar Kərimov Şuşa şəhərinin 2023-cü ildə “Türk Dünyasının Mədəniyyət Paytaxtı” elan edilməsini nəinki Azərbaycan xalqı, həmçinin türk xalqları üçün də tarixi-mədəni hadisə olacağını diqqətə çatdırıb. Bildirib ki, Azərbaycan dövləti Şuşa ilə yanaşı, Ermənistan işğalı zamanı digər yaşayış məntəqələrimizdə vandalizmə, dağıntı və mənimsəməyə məruz qalmış bütün tarixi-mədəni abidələri bərpa edəcək. Artıq bu istiqamətdə ardıcıl işlər həyata keçirilir və doğma yurdundan didərgin düşmüş insanların öz torpağına qaytarılması dövlətimizin qarşısında duran prioritet məsələlərdəndir.   Həmin günün sonunda Özbəkistanın mədəniyyət naziri Ozodbek Nazarbekovun adından rəsmi ziyafət verilib. Özbəkistan Dövlət Filarmoniyası nəzdindəki Soqdiana Xalq Çalğı Alətləri Dövlət Kamera Orkestri ifasında türk xalqlarının musiqiləri, o cümlədən böyük Azərbaycan bəstəkarı Fikrət Əmirovun əsərləri səsləndirilib.

Sentyabrın 16-da Özbəkistanın Xivə şəhərində Beynəlxalq Türk Mədəniyyəti Təşkilatı – TÜRKSOY-un Daimi Şurasının 38-ci iclası keçirilib. İclasda iştirak edən Özbəkistan Baş nazirinin müavini Aziz Abduhakimov, mədəniyyət naziri Ozodbek Nazarbekov, Türk Şurasının Baş katibi Bağdad Amreyev, TÜRKSOY-un Baş katibi Düsen Kaseinov, Macarıstanın xarici işlər naziri Peter Siyarto, TürkPA-nın Baş katibi Altınbek Mamayusupov, Türkiyənin mədəniyyət və turizm naziri Mehmet Nuri Ersoy, Qırğızıstanın mədəniyyət, elm, idman və gənclər naziri Kairat İmanaliyev, Qazaxıstanın mədəniyyət və idman naziri Nurkıssa Dauyeshov və başqalarının çıxışları dinlənilib. Tədbirdə çıxış edən mədəniyyət naziri Anar Kərimov Türk dünyasının mədəniyyəti və irsinin qorunması və təşviqinin, türk xalqları arasında həmrəylik və qarşılıqlı anlaşmanın daha da möhkəmləndirməsinin əhəmiyyətini qeyd edib. Bildirib ki, türk xalqlarının tarixi-mədəni irsi, ədəbiyyatı, bir sözlə ortaq dəyərlərinin beynəlxalq səviyyədə təbliği qarşıda duran vacib məsələlərdəndir. Nazir çıxışında 44 günlük Vətən müharibəsi dövründə Azərbaycana göstərdikləri dəstəyə görə TÜRKSOY-a, Türk Şurasına və türkdilli dövlətlərə təşəkkürünü ifadə edib. Türk dünyasının görkəmli şəxsiyyətlərinin təbliğində TÜRKSOY-un xidmətlərini yüksək qiymətləndirən Anar Kərimov təşkilat tərəfindən Azərbaycanın tanınmış ədəbiyyat və mədəniyyət xadimlərinə göstərilən diqqəti xüsusi vurğulayıb. Bildirib ki, TÜRKSOY-un 2017-ci ilin “Molla Pənah Vaqif İli”, 2018-ci ilin “Qara Qarayev İli”, 2019-cu ilin isə “İmadəddin Nəsimi İli” etməsi, habelə Həsən Seyidbəyli və Mikayıl Abdullayevin 100 illik yubileyləri ilə əlaqədar müxtəlif səpkili tədbirlər yüksək qiymətə layiqdir: “Bu ilin mart ayında Türkiyəyə səfərim çərçivəsində “Nizami ili”nin açılış mərasimi, SSRİ Xalq rəssamı Mikayıl Abdullayevin 100 illiyinə həsr olunmuş sərginin açılışı və digər tədbirlərin təşkili TÜRKSOY-un türk mədəniyyətinin inkişafı və təşviqindəki müstəsna rolunun göstəricisidir. 2021-ci ilin TÜRKSOY çərçivəsində SSRİ Xalq artisti, görkəmli bəstəkar Fikrət Əmirovun anadan olmasının 100 illiyinə ithaf olunmasını da əhəmiyyətli hesab edirik”. Nazir TÜRKSOY-un “Türk Dünyasının Mədəniyyət Paytaxtı” layihəsi çərçivəsində Azərbaycanın qədim mədəniyyət mərkəzlərin biri olan Şuşa şəhərinin 2023-cü il üçün “paytaxt” elan oluna görə təşkilata təşəkkürünü bildirib. Qeyd edib ki, Prezident İlham Əliyevin sərəncamı ilə Şuşa şəhəri Azərbaycan mədəniyyətinin paytaxtı elan olunub: “İCESCO rəhbərinin bu ilin əvvəlində ölkəmizə səfəri zamanı Şuşanın “İslam Mədəniyyətinin Paytaxtı” elan edilməsi ilə bağlı təşəbbüsü və bu sessiyada TÜRKSOY tərəfindən Şuşanın 2023-cü il üçün “Türk Dünyasının Mədəniyyət Paytaxtı” elan edilməsi Türk-İslam dünyasının Azərbaycanın qədim şəhərinin mədəni zənginliyinə diqqətinin daha bir göstəricisidir”. Anar Kərimov diqqətə çatdırıb ki, uzun fasilədən sonra bu ilin may ayında Cıdır düzündə – hər bir azərbaycanlı üçün müqəddəs olan Şuşada ənənəvi “Xarıbülbül” festivalı keçirilib: “Biz o günü 30 il səbirsizliklə gözləmişdik, 30 il Vətən həsrəti ilə yaşamışdıq. Biz bu gözəl ənənəni bərpa etdik və bundan sonra “Xarıbülbül” festivalı Şuşada hər il keçiriləcək. Builki festivalda ölkəmizdə yaşayan müxtəlif xalqların nümayəndələri çıxış etdilər və bu onu göstərdi ki, Azərbaycanda bütün xalqlar dostluq, qardaşlıq, həmrəylik şəraitində yaşayır. Bununla yanaşı, 39 illik tarixi olan Vaqif Poeziya Günləri Şuşa işğaldan azad edildikdən sonra Heydər Əliyev Fondu tərəfindən yenidən bu qədim şəhərimizdə təşkil olundu. 29 ildən sonra həmvətənləri yenidən öz dövrünün böyük şairi, mütəfəkkiri və dövlət xadimi Molla Pənah Vaqifin görüşünə gəldi. Şairin məqbərəsinin yenidən açılışı keçirildi. Prezident İlham Əliyevin Şuşa şəhərini ölkəmizin mədəniyyət paytaxtı elan etməsi, burada “Xarıbülbül” musiqi festivalının və Vaqif Poeziya Günlərinin bərpa edilməsi təkcə Şuşa şəhərində deyil, bütövlükdə torpaqlarını işğaldan azad etmiş və ərazi bütövlüyünə qovuşmuş müstəqil Azərbaycanda mədəni həyatın təntənəsinə çevrildi”.   *     *     *   Toplantıda rəsmi çıxışlardan sonra TÜRKSOY-un illik hesabatı dinlənilib, Türkiyənin Bursa şəhərinin 2022-ci il üçün “Türk Dünyasının Mədəniyyət Paytaxtı” seçilməsi ilə əlaqədar təqdimat və bununla əlaqədar səsvermə təşkil olunub. Həmçinin TÜRKSOY-un yeni rəhbərinin seçilməsi, normativ-hüquqi sənədlərində bəzi dəyişiklik edilməsi ilə bağlı fikir mübadiləsi aparılıb, 2020-ci il üçün Fəaliyyət proqramına salınan təkliflər, TÜRKSOY-da 2022-ci ildə anım ili ilə əlaqədar fikir mübadiləsi olub. “TRT Avaz”ın Türk dünyasının birliyi və onun zənginliklərinin təbliği ilə bağlı təqdimatı keçirilib və TÜRKSOY-un yeni Baş katibin seçilməsi ilə əlaqədar müzakirələr aparılıb. Toplantının sonunda 2022-ci ildə Bursa şəhərinin “Türk Dünyasının Mədəniyyət Paytaxtı seçilməsi, TÜRKSOY-a yeni Baş katibin seçilməsinin 2022-ci ilin avqust ayında keçirilməsi, SSRİ Xalq artisti, görkəmli Azərbaycan bəstəkarı Fikrət Əmirovun anadan olmasının 100, Türkiyənin tanınmış şairi Süleyman Çelebinin vəfatının 600, Qırğızıstanın Xalq yazıçısı Toktobolot Abdumomunovun anadan olmasının 100 illiklərinin 2022-ci ildə TÜRKSOY miqyasında qeyd olunması, eyni zamanda təşkilatın Daimi Şurasının 39-cu toplantısına Bursanın ev sahibliyi etməsi ilə əlaqədar qərar qəbul edilib. TÜRKSOY Daimi Şurasına sədrlik Özbəkistandan Türkiyəyə keçib. Toplantının sonunda üzv ölkələr və beynəlxalq təşkilatların nümayəndələrinə hədiyyələr təqdim olunub və ailə fotosu çəkdirilib. Tədbirdən sonra Anar Kərimov Özbəkistanın “Xorazm” telekanalı, “Özbəkistan 24” və “Bright Uzbekistan” telekanallarına müsahibə verib. Azərbaycan-Özbəkistan əlaqələrinin yüksək səviyyəsindən məmnunluğunu bildirən nazir iki ölkənin münasibətlərinin əsasında milli, tarixi və dini faktorların böyük rol oynadığını dilə gətirib. İki ölkənin beynəlxalq təşkilatlar çərçivəsində də bir-birinə dəstək verdiklərini qeyd edib. O, TÜRKSOY təşkilatı çərçivəsində üzv ölkələrin gələcək əməkdaşlıq perspektivlərini də yüksək qiymətləndirib. Anar Kərimov Şuşa şəhərinin 2023-cü ildə “Türk Dünyasının Mədəniyyət Paytaxtı” elan edilməsini nəinki Azərbaycan xalqı, həmçinin türk xalqları üçün də tarixi-mədəni hadisə kimi qiymətləndirib. Bildirib ki, Azərbaycan dövləti Şuşa ilə yanaşı, Ermənistan işğalı zamanı digər yaşayış məntəqələrimizdə vandalizmə, dağıntı və mənimsəməyə məruz qalmış bütün tarixi-mədəni abidələri bərpa edəcək. Artıq bu istiqamətdə ardıcıl işlər həyata keçirilir və doğma yurdundan didərgin düşmüş insanların öz torpağına qaytarılması dövlətimizin qarşısında duran prioritet məsələlərdəndir.   Həmin günün sonunda Özbəkistanın mədəniyyət naziri Ozodbek Nazarbekovun adından rəsmi ziyafət verilib. Özbəkistan Dövlət Filarmoniyası nəzdindəki Soğdiyan Xalq Çalğı Alətləri Dövlət Kamera Orkestri ifasında türk xalqlarının musiqiləri, o cümlədən böyük Azərbaycan bəstəkarı Fikrət Əmirovun əsərləri səsləndirilib.

Görüşdə Ukraynada səfərdə olan Azərbaycan mədəniyyət nazirinin birinci müavini Elnur Əliyev, Xarkov Şəhər Şurasının katibi, merin səlahiyyətlərini icra edən İqor Terexov, Azərbaycanın Ukraynadakı fövqəladə və səlahiyyətli səfiri Elmira Axundova, Azərbaycan-Ukrayna Parlamentlərarası Dostluq Qrupunun həmsədri Rüfət Quliyev, Azərbaycanın Xarkovdakı Fəxri konsulu Əfqan Salmanov, diplomatik korpusun və Xarkovdakı Azərbaycan diasporunun nümayəndələri iştirak ediblər. Qonaqları salamlayan İqor Terexov bildirib ki, mədəniyyət, sosial layihələrin birgə həyata keçirilməsi beynəlxalq əlaqələrin əhəmiyyətli bir hissəsidir. Ukraynada ən güclü diasporlardan birinin Azərbaycan diasporu olduğunu deyən İqor Terexov vurğulayıb ki, Xarkov istisnasız olaraq bütün sahələrdə əməkdaşlığa hazırdır. Görüş zamanı Azərbaycan mədəniyyət nazirinin birinci müavini Elnur Əliyevin Xarkovun Azərbaycan üçün tarixən əhəmiyyətli bir şəhər olduğunu bildirib. Qeyd edib ki, Azərbaycan kinosunun inkişafında xidməti olan Aleksandr Mişon Xarkovda anadan olub, Bakıda doğulan Nobel mükafatı laureatı, alim Lev Landau Xarkov Universitetində çalışıb. “Bu gün Ukraynada Azərbaycan poeziyasının klassikası Nizami Gəncəviyə abidə qoyulur. Bütün bunlar Azərbaycan ilə Ukrayna arasında tarixən dostluq münasibətlərinin olduğunun bariz nümunəsidir. Bu münasibətlərin inkişafında Ukraynada yaşayan soydaşlarımızın da böyük xidmətləri olub və bu iş uğurla davam etdirilir.” Daha sonra çıxış edən səfir Elmira Axundova 2021-ci ilin “Nizami Gəncəvi İli” elan edilməsinə dair Azərbaycan Respublikasının Prezidenti İlham Əliyevin Sərəncamından irəli gələrək, Ukraynanın Xarkov şəhərində mütəfəkkirin heykəlinin ucaldılmasını tarixi hadisə adlandırıb. Səfir göstərdikləri dəstəyə görə, Xarkov meriyasına, memar və layihə müəlliflərinə, Azərbaycanın Xarkovdakı Fəxri konsulluğuna, diaspor fəallarına təşəkkürünü bildirib. Səfir, sonda Birləşmiş Ukrayna Azərbaycanlıları Konqresinin (BUAK) Dnepropetrovsk vilayəti təşkilatının sədri Nəcəf Əhmədova “Diaspor fəaliyyətində xidmətə görə” medalı, həmçinin Azərbaycanın Xarkovdakı Fəxri konsulu Əfqan Salmanova “Pandemiya və Vətən müharibəsi dövründə göstərdiyi fəaliyyətə görə” təşəkkürnaməni təqdim edib. Tədbirdə çıxış edən Birləşmiş Ukrayna Azərbaycanlıları Konqresinin (BUAK) sədri Rövşən Tağıyev, Kiyev Azərbaycanlıları Konqresinin sədri Oleq Krapivin diasporun gördüyü işlərdən danışıblar.

Dövlət Turizm Agentliyi və Medianın İnkişafı Agentliyi (MEDİA) KİV nümayəndələri və peşəkar fotoqraflar arasında müsabiqə elan edir.

Dövlət Turizm Agentliyindən AZƏRTAC-a bildirilib ki, “Azərbaycanın turizm potensialını tanıt” mövzusunda keçirilən müsabiqə 20 sentyabr – 20 oktyabr 2021-ci il tarixlərini əhatə edəcək.

Müsabiqədə iştirak edən yazı, TV süjet və fotolar 5 nəfərdən ibarət müstəqil münsiflər heyəti tərəfindən qiymətləndiriləcək.

Hər nominasiya üzrə 1-ci yerin sahibləri cari ilin noyabr ayında BƏƏ-nin Dubay şəhərində keçiriləcək “EXPO 2020 Dubai” tədbirində Azərbaycan pavilyonunun ziyarət etmək üçün 3 günlük iştirak haqqı qazanacaq. 2-ci yerin sahibləri Şuşaya 3 günlük səfər (“Xarı Bülbül” hoteli), 3-cü yerin sahibləri isə “Şahdağ” Turizm Mərkəzinə (“Şahdağ Hotel və Spa”) 3 günlük səfər haqqı qazanacaq.

Müsabiqənin şərtləri:

- Təqdim edilən məqalələrdə, fotolarda və televiziya süjetlərində mövzu tam əks etdirilməlidir;

- Məqalələr, fotolar və televiziya süjetləri yeni olmalıdır, müsabiqənin qüvvədəolma müddətinədək olan dövrü (20 sentyabr – 20 oktyabr 2021-ci il) əhatə etməlidir və əvvəllər hər hansı müsabiqəyə təqdim edilməməlidir;

- Müsabiqədə Azərbaycanda dövlət qeydiyyatına alınmış KİV-in nümayəndələri və müstəqil jurnalistlər iştirak edə bilərlər;

- Hər bir jurnalist, müxbir və fotoqraf müsabiqəyə yalnız bir məqalə, süjet və ya foto təqdim edə bilər;

- Müsabiqəyə təqdim ediləcək məqalənin həcmi 8 min çap işarəsindən, televiziya süjeti 3 dəqiqədən, fotolar isə peşəkara fotokamera ilə çəkilməklə 3000 piksel-ə qədər ölçüdən və JPEG formatında 5 meqabayt (MB) ölçüdən az olmadan göndərilməlidir;

- Məqalə və televiziya süjeti Azərbaycanda dövlət qeydiyyatına alınmış KİV-də çap olunmalı və ya yayımlanmalıdır;

- Materialın sonunda “Dövlət Turizm Agentliyi tərəfindən elan edilmiş müsabiqəyə təqdim edilir” sözlərindən ibarət titr qeyd olunmalıdır;

- Material qəzetdə və ya jurnalda dərc edilərsə, onun 1 nüsxəsi, elektron portalda yerləşdirilərsə, A4 formatlı vərəqdə (Arial, 12 şrift) çap olunmalı və link əlavə edilməlidir.

- Fotolar orijinal formatda, ad, soyad, əlaqə vasitəsi və aid olduğu mövzu qeyd edilməklə “fikrat.tahmazov@tourism.gov.az” ünvanına göndərilməlidir.

- Televiziya süjeti DVD-də olmaqla, KİV nümayəndəsinin vəsiqəsinin surəti ilə birlikdə 20 oktyabr 2021-ci il tarixinədək Dövlət Turizm Agentliyinə (Ünvan: Nizami küçəsi 96E, Landmark 1, AZ1010), materialın elektron versiyası isə həmin tarixədək “fikrat.tahmazov@tourism.gov.az” poçt ünvanına göndərilməlidir.

Müsabiqə ilə bağlı əlavə məlumatı Dövlət Turizm Agentliyinin məsul əlaqələndiricisindən almaq olar: (tel: +994512296043, Fikrət Təhməzov).

Materialların qiymətləndirilmə meyarları:

- Aid olduğu mövzunu əhatə etməsi, jurnalist araşdırması,

- Əsaslandırma və faktların əlaqələndirilməsi;

- Materialın informasiyalılıq səviyyəsi;

- Yazının və reportajın dil və üslub xüsusiyyətləri;

- Jurnalist obyektivliyi, qərəzsizliyi, tərəfsizliyi;

- Müqayisəli təhlil üslubu;

- İctimai maraqların müdafiəsi.

Azərbaycanda bütün mədəniyyət müəssisələrinin daha optimal idarə edilməsi üçün təkliflər hazırlanır.

Bu barədə AZƏRTAC-a məxsusi açıqlamasında Azərbaycan mədəniyyət nazirinin birinci müavini Elnur Əliyev məlumat verib.

Elnur Əliyevin sözlərinə görə, Mədəniyyət Nazirliyi mədəniyyət müəssisələrinin həm hüquqi, həm də maliyyələşmə bazasının yeniləşdirilməsinə, onlara daha çox sərmayə yatırılmasına nail olmaq istəyir.

“Azərbaycanda mədəniyyət sahəsində aparılan islahatların kökündə duran əsas siyasət mədəni dəyərlərimizə tam sahib çıxmaqdır. Ölkəmizin kifayət qədər zəngin və dərin mədəniyyəti var. Bu mədəniyyətdən irəli gələn dəyərlərə sahib çıxdıqca, daha güclü Azərbaycan görəcəyik”, - deyə Elnur Əliyev əlavə edib.

İşğaldan azad olunan ərazilərimizdə mədəniyyət müəssisələrinin və tarixi abidələrin bərpası, yenidən qurulması istiqamətində işlərin aparıldığını deyən Elnur Əliyev bildirib ki, ilkin mərhələdə tarixi abidələrin bərpası üçün reyestr hazırlanır, mümkün maliyyələşmə mənbələri dəqiqləşdirilir. Buna paralel olaraq həmin ərazilərdə mədəniyyət müəssisələrinin normal fəaliyyəti üçün də müvafiq tədbirlər görülür.

18 sentyabr – dahi Azərbaycan bəstəkarı və musiqişünası, milli bəstəkarlıq məktəbinin banisi, müasir Azərbaycan musiqi mədəniyyətinin qurucusu, Şərqdə ilk opera və musiqili komediyaların yaradıcısı, böyük mütəfəkkir alim, pedaqoq, dramaturq, publisist Üzeyir Hacıbəylinin doğum günü - ölkəmizdə musiqi bayramı kimi qeyd olunur.

Azərbaycan Respublikası Prezidentinin “Üzeyir Musiqi Gününün keçirilməsi haqqında” 1995-ci il 18 sentyabr tarixli Fərmanına uyğun olaraq hər il sentyabrın 18-də ənənəvi Üzeyir Musiqi Günü keçirilir. Bunun da böyük mədəni və tarixi əhəmiyyəti vardır. Bu, Üzeyir Hacıbəylinin adının və irsinin əbədiləşdirilməsi, qorunması, təbliği və gələcək nəsillərə ötürülməsi yolunda atılan mühüm addımdır.

Milli Musiqi Günü münasibətilə Azərbaycan Milli Kitabxanasının əməkdaşları tərəfindən “18 sentyabr – Milli Musiqi Günü” adlı virtual sərgi hazırlanıb.

Kitabxanadan AZƏRTAC-a bildirilib ki, virtual sərgidə mövzu ilə əlaqəli kitablar, məqalələr, fotolar nümayiş olunur.

Virtual sərgi ilə tanış olmaq istəyənlər http://anl.az/el/vsb/Milli_Musiqi_gunu/index.htm linkindən istifadə edə bilərlər.